
Coronavirus	Lexislación	Delegados	Actuación preventiva	Riscos específicos	Boletín CIG - Saúde Laboral	Asesoramento técnico

Boletín CIG-Saúde Laboral Nº 68

26-06-2026 - Gabinete Técnico Confederal de Saúde Laboral

A aprobación da Lei 2/2025 de 29 de abril pola que se modifican o Estatuto das persoas traballadoras en materia de extinción do contrato de traballo por incapacidade permanente e a Lei Xeral da Seguridade Social en materia de incapacidade permanente, supón un importante avance na protección dos dereitos laborais das persoas con discapacidade, atendendo, deste xeito, a algunhas das obrigacións que sobre esta materia tiña pendentes o Estado español. A nova norma estabelece que, cando a unha persoa traballadora se lle declara unha incapacidade permanente absoluta, total, ou gran incapacidade, o contrato non se extingue automaticamente e obriga á empresa a valorar a realización de axustes razoables ou se existe un posto vacante e compatible coa nova situación da persoa traballadora. A extinción do contrato só será posible en caso da imposibilidade de realizar axustes razoables sen que supoñan “carga excesiva”, por inexistencia dun posto vacante compatible coa situación da persoa traballadora ou que a pesares da existencia de posto vacante, a persoa traballadora rexeite razoadamente a recolocación ofrecida.

NTP 1229: Reaccións químicas perigosas coa auga

01-09-2026 - INSST

Esta Nota Técnica de Prevención (NTP) inclúe información sobre os perigos inherentes ás reaccións químicas perigosas coa auga e unhas recomendacións para a súa identificación e para a súa xestión adecuada. Entre outra información, inclúese unha táboa ilustrativa sobre a reactividade de distintos axentes ou grupos de axentes químicos, un diagrama de fluxo do proceso de xestión e varias medidas preventivas que poden aplicarse.

Dereitos laborais das vítimas de violencia de xénero

06-08-2026 - Gabinete Técnico de Igualdade-CIG

Este documento do Gabinete Técnico de Igualdade da CIG, recolle un cadro informativo dos permisos e licenzas que se recoñecen no estatuto das persoas traballadoras para as vítimas de violencia de xénero.

Esvaróns e tropezos: Napo en…non é cousa de risa

05-08-2026 - Axencia Europea para a Seguridade e a Saúde no Traballo

Os esvaróns e tropezos son un dos riscos máis comúns en lugares de traballo que cada ano causan decenas de miles de accidentes. Esta película, recomendada para persoas traballadoras de calquera sector e nivel, ten como obxectivo promover as boas prácticas incidindo en que os accidentes por esvaróns e tropezos non son "cousa de risa".

A iluminación do posto de traballo

04-08-2026 - SAÚDE LABORAL

A iluminación na contorna laboral segue sendo un dos factores de risco máis subestimados na xestión preventiva das organizacións. A evidencia acumulada en ergonomía, cronobioloxía e psicoloxía do traballo apunta nunha dirección clara: a calidade lumínica da contorna non só afecta á visión, senón que ten un impacto directo sobre o estado de ánimo, a fatiga mental, a concentración e a saúde a longo prazo das persoas traballadoras.

Guía de Vixilancia Sanitaria Específica da saúde das persoas traballadoras expostas a vibracións

03-08-2026 - MINISTERIO DE SANIDADE

A elaboración desta Guía para a vixilancia da saúde das persoas traballadoras expostas a vibracións intenta dar resposta a preguntas baseadas na mellor evidencia dispoñible tanto sobre os efectos destas como sobre exploracións e probas aplicables aos traballadores e ás traballadoras expostas para incluílas no Protocolo para a Vixilancia Sanitaria Específica das persoas traballadoras expostas a vibracións. Os aspectos concretos que se abordan son os seguintes: efectos para a saúde das vibracións de corpo enteiro e probas e exploracións médicas aplicables na vixilancia da saúde das persoas traballadoras expostas a vibracións de man brazo.

Novos protocolos e procedementos de actuación da Secretaría das Mulleres da CIG

31-07-2026 - IGUALDADE

A CIG-Confederación Intersindical Galega- pon a disposición o Protocolo para a detección e tratamento de situacións de violencia de xénero producidas dentro e fóra da empresa, o Protocolo para a prevención e procedemento de actuación nos casos de denuncia por acoso sexual, laboral, por razón de sexo, orientación sexual, identidade, expresión de xénero e características sexuais ou outras expresións de violencia no traballo, o Plan de diversidade afectivo sexual e de xénero e o Protocolo de acompañamento a persoas trans.

Riscos psicosociais no ámbito educativo: análise dos factores laborais que afectan o benestar dos docentes

30-07-2026 - Axencia Europea para a Seguridade e a Saúde no Traballo

Este novo informe da EU-OSHA céntrase na prevención dos riscos psicosociais e na promoción dunha boa saúde mental entre os profesionais do ensino, como o persoal docente, o persoal académico, o persoal de asistencia á investigación e outros. Inclúe boas prácticas e indicadores de políticas para fomentar o benestar mental neste sector crave, que dá emprego a dez millóns de persoas en toda a UE, e no que unha de cada catro persoas afirma que o seu traballo afecta negativamente á súa saúde mental.

Bioseguridade laboral: normas, protocolos e medidas preventivas

29-07-2026 - SEGURIDADE LABORAL

A bioseguridade laboral é o conxunto de normas, protocolos e prácticas destinadas a coidar e salvagardar a saúde das persoas expostas no seu traballo diario a axentes biolóxicos, químicos ou físicos. O seu obxectivo é previr infeccións, accidentes e a transmisión de enfermidades, garantindo espazos profesionais seguros e saudables. A bioseguridade laboral naceu como un asunto exclusivo dos hospitais e os laboratorios para converterse nun piar da seguridade e saúde no traballo. Hoxe día alude á protección das persoas traballadoras fronte aos virus, as bacterias e outros axentes biolóxicos presentes nos sectores plantas, granxas, oficinas e servizos asistenciais.

11 novas fichas informativas sobre substancias canceríxenas

24-07-2026 - S.T.O.P. CARCINOGENS AT WORK

«STOP Carcinogens at work»pon a disposición once novas fichas informativas na súa web. Estas substancias utilízanse ou emítense nunha ampla variedade de sectores, dende a industria química e a metalurxia ata o procesamento do coiro, a pintura e as tarefas de limpeza. Varias delas seguen utilizándose en procesos industriais cotiáns a pesar de estar clasificadas como canceríxenas, mutáxenas ou tóxicas para a reprodución, o que fai que sexa aínda máis importante dispoñer de información fiable e accesible sobre elas.

Recibe as novas do noso boletín dixital


PRL Sectorial

Formación

I+D+i

Datos estatísticos