GABINETE TÉCNICO CONFEDERAL DE SAÚDE LABORAL - CIG
11/05/2012
Xa está a vosa disposición o segundo número da publicación Boletín CIG Saúde Laboral. Os temas que se abordan están relacionados cos riscos psicosociais, os trastornos musculoesqueléticos, o risco químico ou a Tarxeta Profesional da Construción.
No editorial, Antolín Alcántara Álvarez, Secretario Confederal de Negociación Colectiva e Saúde Laboral, realiza un breve repaso á situación laboral en materia de saúde laboral na que estamos inmersos no país e na importancia que ten a negociación colectiva como medio para mellorar as nosas condicións de traballo.
Psicosocial
16/05/2012
A Unión Europea, a través do Comité de Altos Responsables da Inspección de Traballo (Committee of Senior Labour Inspectors, SLIC), puxo en marcha unha campaña europea de inspección de riscos psicosociais no traballo, que se desenvolverá ao longo do ano 2012.
O principal obxectivo desta campaña é conseguir que se incorpore de xeito sistemático a avaliación dos riscos psicosociais en tódalas empresas e organizacións, así como impulsar a adopción de medidas preventivas e de control destes riscos no entorno laboral.
INSHT
15/05/2012
O INHST presenta a versión "online" do Catálogo de Publicacións do INSHT 2012 que recolle, principalmente, as últimas publicacións incorporadas ao Fondo Editorial do INSHT. Como mellora en relación coas edicións anteriores permiten enlazar, só con "clicar" nos títulos das diferentes publicacións (libros, fichas, carteis, etc.), coa ficha da publicación que recolle un pequeno resumo do contido e posibilita a descarga e/ou compra "en liña" do documento, segundo o caso.
Maternidade e Paternidade
09/05/2012
O Instituto Nacional da Seguridade Social (INSS) xestionou 77.685 prestacións económicas por maternidade no primeiro trimestre do ano. Esta cifra indica un descenso do número de procesos por maternidade do -5,15% con respecto ao ano anterior. Do conxunto de prestacións recoñecidas, a maior parte, 76.401, corresponden a permisos gozados pola nai e 1.284 a permisos gozados polo pai.
ISSGA
09/05/2012
Datos de sinistralidade do cuarto trimestre de 2011 referidos a Galiza, desagregados por provincias e concellos.
LABORAL
02/05/2012
As demandas de reclamación de indemnización de danos e prexuízos, terán que ser presentadas ante os Xulgados do Social.
A posta en marcha da nova Lei da Xurisdición Social para as persoas que sufran accidentes laborais ou enfermidades profesionais, representa “un novo paso a favor dos traballadores”, segundo asegura Marta Checa García, CEO de Checa Avogados, firma especializada en accidentes laborais.
Amianto
27/04/2012
O Tribunal Superior de Xustiza de Andalucía condenou a Navantia a indemnizar con 150.000 euros a un traballador polos danos e prexuízos que lle ocasionou estar en contacto con fibras de amianto durante a súa vida laboral, segundo informou o avogado Ramón Dávila. A sentenza, segundo o letrado, revoga a que foi ditada anteriormente polo Xulgado do Social número 3 de Cádiz ao estimar o recurso que contra a mesma impuxo o avogado do traballador e prodúcese un ano despois de que outro xulgado gaditano condenase a Navantia a indemnizar con 100.000 euros á viúva dun traballador que tamén estivo exposto ao material tóxico.
INSHT
08/05/2012
O INSHT ven de publicar, no apartado Ferramentas para a PRL e no catálogo de publicacións da páxina do INSHT, a nova versión da base de datos INFOCARQUIM (Información sobre carcinóxenos químicos), incluíndo agora os reprotóxicos de categorías 1A e 1B e as listaxes completas de cancerígenos, mutágenos e reprotóxicos (CMR) 1A e 1B.
Vixilancia da saúde
02/05/2012
A CIG-Ensino ven de presentar demanda de conflito colectivo diante da Sala Social do Tribunal Superior de Xustiza de Galiza polo incumprimento permanente da Lei 31/1995 de Prevención de Riscos Laborais por parte da Consellaría de Educación. Desde hai 17 anos ao profesorado galego vénselle negando o dereito, recollido no artigo 22, a facer unha revisión médica periódica da saúde, recoñecido a todos os traballadores e traballadoras.
GABINETE TÉCNICO CONFEDERAL DE SAÚDE LABORAL - CIG
27/04/2012
No Nº 111 do boletín Erga@online que publica o Instituto Nacional de Seguridade e Hixiene no Traballo, pódese leer un artigo que recoñece os méritos dun dos traballos realizados polo Gabinete Técnico de Saúde Laboral durante o ano 2011,“Risco químico: Guía básica de información e sensibilización”.
imprimir
Xornadas técnicas
Cursos
Outros
