Co financiamento de:
Novidades lexislativas:
DOUE 6/2/24 Recomendación (UE) 2024/440 Comisión, coeficientes dose efectiva e equivalente Directiva 2013/59/EuratomBOE 28/02/24 Orde PJC/133/24 modifica RD 219/13 substancias perigosas aparatos eléctricosBOE 1/2/24 Excepción temporal tempos de condución e descanso nos transportes de mercadorías
CoronavirusLexislaciónDelegadosActuación preventivaRiscos específicosBoletín CIG - Saúde LaboralAsesoramento técnico

Boletín CIG-Saúde Laboral N 49

14-02-2024 - GABINETE TÉCNICO CONFEDERAL DE SAÚDE LABORAL-CIG

Denomínase seguridade industrial ao conxunto de normas obrigatorias estabelecidas para evitar ou minimizar, tanto os riscos que poidan producirse nos ámbitos industriais, como os prexuízos derivados da actividade industrial e mesmo as enfermidades ocupacionais. Este sistema de disposicións obrigatorias, materia competencial da Xunta de Galicia que os Gobernos do PP teñen esquecido sistematicamente, ten por obxecto a prevención e limitación dos riscos, así como a protección contra accidentes capaces de producir danos ás persoas, aos bens ou ao medio ambiente derivados da actividade industrial ou da utilización, funcionamento e mantemento das instalacións ou equipos e da produción, uso ou consumo, almacenamento ou desinstalación e eliminación dos produtos industriais. Nos lugares de traballo, é a persoa titular da actividade empresarial, en cumprimento do seu deber de protexer a seguridade e saúde do seu persoal, quen deberá garantir un adecuado control dos riscos asociados ás instalacións industriais. Poñemos nas vosas mans este monográfico, coa intención de proporcionarvos información básica e suficiente para dimensionar a importancia da seguridade industrial e tomar conciencia da necesidade de incorporar a mesma dun xeito integral nos Plans de prevención das nosas empresas.

Nova ficha BINVAC: “099. Falecemento de dous traballadores intoxicados nun pozo durante as obras de mellora dunha estación de depuración de augas residuais”

01-03-2024 - INSST

O Instituto Nacional de Seguridade e Saúde no Traballo pon a disposición a Nova ficha BINVAC: “099. Falecemento de dous traballadores intoxicados nun pozo durante as obras de mellora dunha estación de depuración de augas residuais”, no Portal de “Situacións de Traballo Perigosas” elaboradas polo grupo de traballo BINVAC

Factores de risco de cancro no ámbito laboral en Europa – primeiras conclusións da Enquisa sobre a exposición das persoas traballadoras

29-02-2024 - Axencia Europea para a Seguridade e Saúde no Traballo

A Axencia Europea para a Seguridade e Saúde no Traballo (EU-OSHA) realizou unha ampla enquisa sobre a exposición das persoas traballadoras a factores de risco de cancro en Europa en seis Estados membros da UE: Alemaña, Irlanda, España, Francia, Hungría e Finlandia. O obxectivo desta publicación é presentar os primeiros resultados da enquisa e ofrecer unha visión xeral do tipo de información que pode obterse a partir dos datos da enquisa.

Icapacidad permanente total a un albanel que perdeu un ollo nun accidente laboral

28-02-2024 - SENTENZA

O Tribunal Supremo fallou recoñecendo a incapacidade permanente total para o desenvolvemento da súa profesión a un oficial da construción que perdeu un ollo nun accidente de traballo, ao considerar que a visión monocular é incompatible coa profesión da construción

Actualización do Calculador “Avaliación da exposición ao ruído”

26-02-2024 - INSST

O INSST publicou unha edición actualizada do calculador “Avaliación da exposición ao ruído”, que fusiona dous calculadores anteriores: Avaliación da exposición ao ruído e Incerteza das medicións asociadas ao nivel de ruído, unificando as súas funcionalidades nunha única ferramenta.

Novas directrices sobre o recoñecemento médico dos pescadores adoptadas pola Organización Internacional do Traballo e a Organización Marítima Internacional

22-02-2024 - OIT-OMI

A tripulación dos buques pesqueiros debe ser apta dende o punto de vista médico para realizar un traballo fisicamente esixente. As novas directrices sobre recoñecementos médicos mellorarán e normalizarán devanditos recoñecementos, o que redundará nunha mellora da saúde e a seguridade no sector pesqueiro.

Indice de incidencia de accidentes de traballo con baixa por sector e gravidade e por CCAA. XANEIRO 2023 DECEMBRO 2023.

21-02-2024 - INSST

Comparativa por sector e gravidade e por Comunidades Autónomas do Índice de incidencia de accidentes de traballo que causaron baixa no período comprendido entre XANEIRO 2023 DECEMBRO 2023.

Límites de Exposición Profesional para Axentes Químicos 2024

19-02-2024 - INSST

Os Límites de Exposición Profesional son valores de referencia para a avaliación e control dos riscos inherentes á exposición, principalmente por inhalación, aos axentes químicos presentes nos postos de traballo e, por tanto, para protexer a saúde das persoas traballadoras. Non constitúen unha barreira definida de separación entre situacións seguras e perigosas.

Plan de actuación ISSGA 2024

12-02-2024 - ISSGA

Novas normas para limitar a exposición a substancias perigosas, chumbo e diisocianatos, no traballo

09-02-2024 - PARLAMENTO EUROPEO

O Parlamento adoptou o mércores novos valores límite de exposición ao chumbo por primeira vez en corenta anos e para os diisocianatos por primeira vez na historia. Ambas as substancias son de uso habitual na renovación de edificios e na fabricación de baterías, turbinas eólicas e para que os vehículos eléctricos sexan máis lixeiros. A nova lei, xa acordada cos Estados membros e aprobada, protexerá máis eficazmente a saúde das persoas traballadoras ao reducir os límites de exposición para estas substancias.

Recibe as novas do noso boletín dixital




PRL Sectorial
Formación
I+D+i
Datos estatísticos
Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS