Co financiamento de:
Novidades lexislativas:
BOE 15/6/24 Real Decreto 505/2024, regula recoñecementos médicos aptitude e protección saúde sector marítimo-pesqueiro DOG 4/6/24 Plan de Inspección Seguridade Industrial Galiza 2024DOUE 15/5/24 Decisión de Execución (UE) 2024/1329 prevención e protección equipos traballo
CoronavirusLexislaciónDelegadosActuación preventivaRiscos específicosBoletín CIG - Saúde LaboralAsesoramento técnico

Boletín CIG-Saúde Laboral Nº 52

18-06-2024 - GABINETE TÉCNICO CONFEDERAL DE SAÚDE LABORAL-CIG

Un elemento fundamental para a incorporación da perspectiva de xénero na seguridade e a saúde laboral é ter en conta que hai desigualdades importantes nas condicións laborais e de traballo de mulleres e homes, que consecuentemente comportan desigualdades na exposición aos riscos laborais. Actualmente existe un amplo consenso técnico e social sobre a necesidade de introducir a perspectiva de xénero na xestión preventiva de riscos laborais para combater as posibles situacións de discriminación ou desigualdade. Así quedou reflectido no Marco Estratéxico da Unión Europea en materia de saúde e seguridade no traballo 2021-2027 e nas Estratexias galega e estatal de Seguridade e Saúde no Traballo 2023-2027, cando se sinala que “o recoñecemento da diversidade, incluídas as diferenzas e as desigualdades de xénero, e a loita contra a discriminación na man de obra son fundamentais para garantir a seguridade e a saúde dos traballadores e as traballadoras, tamén cando se avalíen os riscos no traballo”. Integrar a perspectiva de xénero no sistema de prevención de riscos laborais das empresas consiste en considerar de forma sistemática as diferentes condicións de traballo de mulleres e homes, definindo obxectivos e actuacións específicas dirixidas a eliminar as desigualdades e promover a igualdade en todas as políticas e accións, en todas as fases da acción preventiva: avaliación, planificación, execución e seguimento.

Guía de boa práctica para a vixilancia do cancro de mama en traballadoras expostas a quenda nocturna

21-06-2024 - OSALAN

O obxectivo desta guía é o de achegar recomendacións baseadas na mellor evidencia dispoñible en relación coa utilización da mamografía no marco da vixilancia da saúde das mulleres que traballan expostas a quenda nocturna e á importancia de dispoñer da información sobre a devandita exposición para facilitar a avaliación individual do risco de desenvolver cancro de mama no marco do «Programa de Detección Precoz do Cancro de Mama».

Datos do 1º trimestre de 2024 de Sinistralidade e Enfermidades profesionais en Galiza

20-06-2024 - ISSGA

Datos de Enfermidades Profesionais e Sinistralidade do 1º trimestre de 2024, referidos a Galiza, desagregados por provincias e sector de actividade

Lei de restauración da natureza

19-06-2024 - CONSELLO EUROPEO

O Consello adoptou hoxe formalmente o regulamento (primeiro deste tipo) sobre restauración da natureza. Esta lei ten como obxectivo implementar medidas para restaurar polo menos o 20% das áreas terrestres e mariñas da UE para 2030, e todos os ecosistemas que necesitan restauración para 2050. O regulamento ten como obxectivo mitigar o cambio climático e os efectos dos desastres naturais. Axudará á UE para cumprir os seus compromisos ambientais internacionais e a restaurar a natureza europea.

Un grupo de expertos presenta un documento para a xestión dos riscos extremos aos que expón a Intelixencia Artificial

17-06-2024 - INTELIXENCIA ARTIFICIAL

A IA está a experimentar un rápido avance que conduce ao desenvolvemento de sistemas máis capaces e autónomos que expoñen cada vez a maiores riscos sociais. Abordalos, require tanto medidas de desenvolvemento técnico como de gobernanza. A revista 'Science' publicou un documento no que quince expertos de primeiro nivel mundial en materia de Intelixencia Artificial, presentan unhas directrices ante os riscos extremos que expón o rápido avance deste tecnoloxía.

Indice de incidencia de accidentes de traballo con baixa por sector e gravidade e por CCAA. MAIO 2023 ABRIL 2024

14-06-2024 - INSST

Comparativa por sector e gravidade e por Comunidades Autónomas do Índice de incidencia de accidentes de traballo que causaron baixa no período comprendido entre MAIO 2023 ABRIL 2024.

Os servizos de prevención desde a óptica do persoal profesional da seguridade e a saúde no traballo

13-06-2024 - Axencia Europea para a Seguridade e a Saúde no Traballo

Este documento presenta a perspectiva do persoal profesional europeo da seguridade e a saúde no traballo. Céntrase no debate actual sobre o papel dos servizos de prevención (internos e externos) á hora de apoiar o cumprimento das normas sobre seguridade e saúde. Tamén detalla o panorama actual dos servizos de prevención. Ademais, subliña a necesidade de iniciar un debate a escala europea sobre as melloras necesarias para harmonizar a profesión da SST e o labor dos servizos de prevención.

Campaña para alertar sobre os riscos do manexo do tractor

12-06-2024 - ISSGA

O obxectivo desta campaña do ISSGA é chegar á poboación rural que utiliza o tractor coas seguintes mensaxes: Alertar e concienciar dos riscos do manexo do tractor e dos seus apeiros; Informar de cales son as causas máis recorrentes dos sinistros e achegar recomendacións básicas, que de terse en conta evitarían os accidentes, ou cando menos, minimizarían a súas consecuencias, xa que, desgraciadamente, moitas veces as lesións son graves e mortais

O Tribunal Superior de Xustiza de Canarias cualifica como accidente in itinere o sufrido por unha traballadora baseándose na información achegada por Google Maps

11-06-2024 - SENTENZA

A App serviu para demostrar que o roteiro escollido pola traballadora era idónea e que o feito de que saíse da súa casa unha hora e media antes da súa xornada débese ao problema de estacionamento nas inmediacións da empresa

NTP 1196 Amianto: Xestión e diagnóstico (parte II): Proceso de diagnóstico e plan de xestión de materiais con amianto

10-06-2024 - INSST

Esta NTP (parte II) é a continuación da NTP 1195 (parte I), que propón un esquema xeral para a xestión segura dos materiais con amianto e describe o “diagnóstico de amianto” entendéndoo como un proceso de dúas etapas: (1) localización e identificación de MCA presentes no edificio ou instalación e (2) valoración do nivel de risco potencial asociado a cada MCA. Seguidamente describe a súa utilidade para elaborar un “rexistro de MCA” e introdúcese o “plan de xestión de MCA”, como ferramenta de planificación preventiva.

Recibe as novas do noso boletín dixital




PRL Sectorial
Formación
I+D+i
Datos estatísticos
Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS