Estudio da incidencia da xornada de traballo na seguridade laboral e nos riscos psicosociais .

Dentro dos proxectos que este ano 2011 ten previsto abordar o Gabinete Técnico Confederal de Saúde Laboral da CIG, está a elaboración dun Estudio sobre a incidencia da xornada de traballo na seguridade laboral e nos riscos psicosociais.

Ao longo deste ano desenvolverase este estudio que ten como obxeto ver a importancia da identificación e determinación dos factores de risco psicosocial e de seguridade en relación co tipo de xornada laboral.

Cada vez máis os traballadores no seu conxunto consideran e valoran a estrutura e secuencia da xornada laboral en relación á estrutura e secuencia dos tempos de descanso, conscientes da incidencia determinante da mesma non só na súa seguridade laboral, física e psicosocial, senón tamén en relación ás súas posibiidades de desenvolvemento persoal e profesional, así como na conciliación coa súa vida familiar e social.