Coa publicación da “Compilación normativa e Guía de boas prácticas sobre o amianto” a Confederación Intersindical Galega pretende cubrir unha lagoa existente na información a disposición de traballadores e traballadoras, por a disposición do público en xeral, e da representación de traballadores/as, unha nova ferramenta preventiva activa que facilite o coñecemento sobre os perigos do amianto. A CIG, como sindicato comprometido en este tema quere establecer un chanzo máis na nosa denuncia de situación presente nas malas praxes en desamiantado por parte de empresas que non se atopan rexistradas no RERA, con quen non protexe a saúde dos seus empregados ou empregadas, coa defensa e a protección dos dereitos sanitarios, elaborando un documento con propostas específicas no tratamento actual do amianto, que sirva para unha colaboración estreita cos nosos delegados e delegadas dentro das empresas. É unha obrigación moral coa nosa sociedade rematar, dunha vez por todas, cos danos que ocasionou, e está a ocasionar, este mineral asasino. Esta guía permitirá, xa que logo, presentar unhas pautas correctas de actuación e de cómo facelas cumprir a tódolos niveis. Así, o presente documento non debe ser considerado como un todo, senón como un conxunto de diferentes apartados que poderán ser consultados individualmente, sen a necesidade de seguir unha liña argumental do principio o final. Pretende ser, por tanto, unha obra de consulta para toda aquela persoa, profana ou non na materia, que lle interese algunha parte da mesma.

A "Guía práctica de implantación de Servizos de Prevención Mancomunados”, presenta propostas para a incorporación deste modelo de xestión preventiva en empresas que coexisten en espazos comúns, Polígonos Industriais, Centros Comerciais, Zonas Portuarias, etc. Trátase dunha publicación na que se ofrecen orientacións sobre a implantación deste modelo de xestión da prevención considerado como un dos que mellores posibilidades ofrecen de cara a facilitar a aplicación da prevención á tipoloxía das empresas existentes na Galiza.

Con esta edición péchase o círculo da Pedra Natural, un sector cunha relevante importancia no tecido económico galego e no que as consecuencias da non prevención teñen amosado a súa gravidade. Preténdese achegar a delegados e delegadas en traballadores e traballadoras en xeral, unha ferramenta que lles permita defender a súa saúde no posto de traballo. Edición en Galego e Castelán

Neste díptico editado pola Secretaría da Muller poderás atopar, dun xeito resumido, a información máis relevante para poder afrontar unha maternidade segura no teu posto de traballo.

Nesta Guía, elaborada pola Secretaría da Muller, podedes atopar recomendacións a ter en conta para introducir criterios de xénero na planificación preventiva. Pódense solicitar orixinais directamente á Secretaría da Muller

Nesta Guía, elaborada pola Secretaría da Muller, podedes atopar pautas para a defensa da saúde da muller no embarazo e a lactación. Podedes conseguir orixinais solicitándoos directamente á Secretaría da Muller.

Cadro resumo sobre as responsabilidades empresariais en materia de Prevención.

Neste documento tedes unha información resumida sobre como actuar en caso de Accidente de Traballo e Enfermidade Profesional

Resumo da actuación sindical diante dos incumprimentos das Mutuas de Accidentes de Traballo e Enfermidade Profesional.

Coñecentos básicos e de actuación diante de accidentes de traballo.

Información básica sobre os contidos do R.D 171/2004, de 30 de xaneiro