Nova app: Guía de peto sobre perigos químicos02-09-2016 - NIOSHO Instituto Nacional de Seguridade e Saúde Laboral (NIOSH) dos EEUU pon a disposición de usuarios/as unha nova versión en formato app da Guía de peto sobre Perigos Químicos. A aplicación pódese empregar en calquera dispositivo con navegador web. Esta guía ofrece información xeral de hixiene industrial para máis de 600 de productos químicos, axudando a usuarios/as a detectar e controlar os perigos químicos no traballo. |
---|
A aplicación contén todo o contido da publicación Guía de peto (desenvolvida nos anos setenta do século pasado e actualizada periódicamente co fin de incluír novos datos relativos á toxicidade de substancias e cambios nas normas ou recomendacións de exposición) e permite procuras rápidas por nome químico, nome comercial ou sinónimo, número DOT e número CAS.
A aplicación permite que o usuario almacene rexistros químicos como "favoritos" para o seu uso posterior, así como controlar que datos se amosan acerca dun determinado produto químico; non se envían datos entre o dispositivo do usuario/a e NIOSH despois da descarga inicial e as actualizacións, polo que non hai ningún risco sobre a privacidade.
A instalación da app pode realizarse a través da ligazón: http://www.cdc.gov/niosh/npg/mobilepocketguide.html?s_cid=3ni7d2NiUpdate... A aplicación requerirá 5 Mb de espacio de almacenamento no dispositivo.
A Guía de Bolsillo de NIOSH pode visualizarse a través da ligazón: http://www.cdc.gov/niosh/npg/default.html?s_cid=3ni7d2NiUpdateNPGmain071...