A presenza é unha medida preventiva complementaria que ten como finalidade vixiar o cumprimento das actividades preventivas en relación cos riscos derivados da situación que determine a súa necesidade para conseguir un adecuado control dos devanditos riscos.

Dita vixilancia incluirá a comprobación da eficacia das actividades preventivas previstas na planificación, así como da adecuación de tales actividades aos riscos que pretenden previrse ou á aparición de riscos non previstos e derivados da situación que determina a necesidade da presenza dos recursos preventivos.

Con todo, debe lembrarse que o obrigado a adoptar as medidas preventivas necesarias para garantir a seguridade e saúde dos seus traballadores é o empresario, de modo que a designación e presenza do recurso preventivo non exclúe ou substitúe o seu deber de protección a que se refire o artigo 14.1 da LPRL. Por tanto, o recurso preventivo é unha medida máis coa que conta o empresario/a e non poderá ser utilizada co fin de substituír aquelas medidas de protección que sexan preceptivas, co pretexto de que a actividade está suxeita a supervisión e control.

Ligazón ao Manual do Recurso Preventivo e outras vixilancias de traballos