Acoso laboral continuado como accidente de traballo21-01-2015 - SENTENZANa sentenza o titular do Xulgado do Social número 1 de As Palmas de Gran Canaria, acepta a baixa por ansiedade dun traballador, derivado polo acoso laboral continuado da súa empresa, como incapacidade permanente e polo tanto recoñece o mobbing como accidente de traballo. |
---|
A maxistrada aceptou que a incapacidade permanente absoluta que o traballador (denunciante) ten recoñecida é derivada de continxencia profesional, producida pola situación de acoso laboral á que se viu sometido na empresa; a este feito opoñíase a Mutua, tamén demandada polo traballador.
Xustifícase esta decisión aducindo que o artigo 115-2-e) da Lei Xeral da Seguridade Social cualifica como accidente de traballo as enfermidades que non tendo a consideración legal de enfermidade profesional, contraia o traballador con motivo da realización do seu traballo, sempre que se probe que a enfermidade tivo por causa exclusiva a execución deste. Deste modo, os feitos probados que aparecen na resolución fan constar que a patoloxía psiquiátrica tiña a súa orixe directa na situación de acoso laboral continuado.
O fallo do Xulgado do Social condena á Mutua ao pagamento da prestación correspondente e aos demandados, Empresa, Seguridade Social e Tesouraría da Seguridade Social, decláraos culpables.