Co financiamento de:
/ Portada / Delegados

A calor durante a xornada de traballo

29-07-2015 - Seguridade

No verán moitos/as traballadores/as realizan as súas tarefas no exterior. Ás elevadas temperaturas, hai que engadir a acumulación de calor corporal xerado na actividade física. A exposición á calor pode ter como consecuencias erupción na pel, edema nas extremidades, queimaduras, cambras musculares, deshidratación, agotamiento, ... e o golpe de calor. Deixamos aquí uns consellos básicos para combater os efectos da calor.

Para os/as traballadores/as:

Bebe cada pouco tempo, se pode ser auga fresca non fría, sen esperar a ter sede. Bebe antes, durante e despois do traballo con exposición á calor.

Come lixeiro: ensaladas, froitas, zumes; evita as bebidas alcohólicas, con cafeína e moi azucaradas que favorecen a deshidratación; evita as comidas moi calóricas e pesadas, que requiren mais enerxía para ser dixeridas (máis calor corporal).

Emprega roupa fresca, clara e amplia; intenta tapar a maior parte posible do corpo; emprega cremas de protección solar e sombreiro ou gorra de tecidos transpirables.

Para as empresas:

Facilita lugares de descanso en ambientes frescos; incrementa o número de pausas de recuperación.

Adapta os horarios sempre que seña posible de xeito que se poida reducir o tempo de exposición. Planifica as tarefas máis pesadas para as horas de menos calor.

Evita a realización de traballos en solitario.

Pon a disposición e recomenda o consumo de auga, así como de cremas de protección solar, gorras e roupa axeitada.

Informa sobre o protocolo a seguir en caso de golpe de calor ou noutros problemas asociados ao traballo con calor.

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS