A Autoridade Sanitaria Europea rectifica e decide revisar o perigo do bisfenol A01-06-2016 - SaúdeO bisfenol A, ou BFA, composto orgánico presente en plásticos, está considerado un perturbador endocrino; a súa presenza en biberóns foi prohibida hai 5 anos en toda a Unión Europea; nalgúns países, como Francia, incluso se prohibiu o seu uso no material illante dos envases alimentarios, medida que atopou resistencia nos tribunais. Con todo, a Autoridade Europea de Seguridade Alimentaria, EFSA, decidiu o ano pasado que a exposición ao bisfenol non representaba un risco para a saúde dos consumidores, o que orixinou críticas severas por parte da comunidade científica e algúns partidos políticos. |
---|
A EFSA, organismo dependente da Unión Europea, anunciou que reconsideraría a decisión unha vez coñecidos os resultados dunha investigación moi exhaustiva que realiza o Programa de Toxicoloxía de Estados Unidos, que non estarán dispoñibles ata finais do ano que vén ou en 2018.
Con todo, ven de rectificar debido á petición expresa de Holanda, cuxo Instituto de Saúde Pública, presentou dous estudos sobre os efectos prenatales e perinatales do BFA sobre o sistema inmunitario. A EFSA decidiu constituír un grupo de traballo de expertos internacionais para avaliar os achados científicos dos estudos holandeses, que recomendan promover a investigación en produtos alternativos e aconsellar aos consumidores que reduzan a súa exposición a este perturbador endocrino.
Activistas, que reclaman dende hai anos á EFSA que prohiba a utilización do BFA, consideran que o lobby químico, apoiado por sectores da embalaxe e outros utilizadores masivos deste plastificante antioxidante, inflúen demasiado na toma de decisións da Autoridade. Hai un sitio web, BPA Free Canned Food, onde se advirte das marcas que utilizan o produto químico e as que non. En España actúa tamén se poden consultar na web bpafree.es as marcas, unha porcentaxe moi pequena, que decidiron non utilizar este produto químico.