Financiado por:
/ Portada / Actuación preventiva

Desconexión dixital: novidades editoriais do INSST

23-01-2023 - INSST

O INSST presenta unha serie de materiais divulgativos encamiñados a promover o cumprimento das obrigacións empresariais en materia de desconexión dixital e sensibilizar á poboación traballadora. O dereito á desconexión dixital contribúe a garantir o dereito ao descanso, á intimidade persoal e familiar, á conciliación e a unha protección eficaz da seguridade e saúde das persoas traballadoras.

Unha das liñas prioritarias do actual Marco estratéxico da UE en materia de seguridade e saúde no traballo (2021-2027) é a dixitalización, e dentro desta, a atención ao dereito á desconexión dixital. Pola súa banda, o Parlamento Europeo ditou unha Resolución en 2021, na que ínsta á Comisión Europea a regular este dereito mediante unha Directiva. Preséntanse a continuación unha serie de materiais divulgativos do INSST encamiñados a promover o cumprimento das obrigacións empresariais nesta materia e a sensibilizar á poboación traballadora.

Todas as empresas e organizacións, tanto públicas como privadas, teñen a obrigación de garantir o dereito á desconexión dixital de todas as persoas (Lei Orgánica 3/2018, de Protección de Datos Persoais e garantía dos dereitos dixitais e a Lei 10/2021, de Traballo a Distancia). Para iso deberán elaborar unha política interna de desconexión dixital, consultar cos traballadores/as ou os seus representantes con carácter previo, establecer as modalidades do exercicio do dereito á desconexión e as regras de dispoñibilidade no seu caso e desenvolver accións de formación e sensibilización para todo o persoal.

A sobreexposición tecnolóxica e a conectividade permanente producen impactos negativos na saúde mental, cardiovascular e musculoesquelética.

O dereito á desconexión dixital contribúe a garantir o dereito ao descanso, á intimidade persoal e familiar, á conciliación e a unha protección eficaz da seguridade e saúde das persoas traballadoras.

Audiovisual – “Desconexión dixital” – INSST 2022

Cartel “Sabías que tes dereito á desconexión dixital sexa cal for o teu posto de traballo?” – INSST 2022

Cartel “Sabías que a hiperconectividad e a dispoñibilidade permanente afectan á seguridade e saúde?” – INSST 2022

Cartel “Sabías que a dixitalización modifica a organización do traballo?” – INSST 2022

 

Ligazón á Lei Orgánica 3/2018, de Protección de Datos Persoais e garantía dos dereitos dixitais

Ligazón á Lei 10/2021, de Traballo a Distancia

 

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS