Co financiamento de:
/ Igualdade

Índice de Igualdade de xénero

21-06-2013 - COMISIÓN EUROPEA

O Estado español logrou un aprobado raso, cunha nota de 54 sobre 100, no Índice de Igualdad de Género que publica a Comisión Europea por primeira vez este ano; un resultado que coloca a situación das mulleres do Estado español en liña coa media europea, tamén con 54 puntos, pero lonxe dos países nórdicos, onde os resultados superan os 70 puntos.

O exame, realizado polo Instituto Europeo para a Igualdade de Xénero (EIGE, polas súas siglas en inglés), sinala a necesidade de "cambios" nas políticas europeas para "acelerar" o proceso de igualdade de oportunidades entre homes e mulleres na Unión Europea, segundo explicou a directora do instituto, Virginija Lanbakk.

Para elaborar este índice tivéronse en conta seis campos diferentes e púxose nota á situación da muller con respecto ao home en todos eles, dende o poder que teñen na toma de decisións das súas empresas ata os ingresos que obteñen ou a educación e formación que reciben.

O primeiro campo avaliado é o da posición que ocupan as mulleres no mercado laboral de cada país, área no que as mulleres do Estado español, cunha nota de 61,3, quedan por debaixo dos 69 puntos que obteñen as europeas de media.

En comparación coa media da UE, as españolas tamén suspenden ao medir as desigualdades en salarios e posición económica, cunha nota de 60,7 fronte ao 68,9 europeo, e cando se trata da xestión do tempo, que ten en conta o peso do traballo e outras actividades na súa xornada, onde o Estado español obtén 33,8 puntos e a UE, unha media de 38,8.

No resto de áreas examinadas, o Estado español mellora a media europea. Así, suma 53,5 puntos e supera os 48,9 da UE no campo do coñecemento, que ten en conta o acceso á educación e formación. Tamén mellora os 38 puntos de media da UE no que se refire ao peso das mulleres no mundo da empresa e da política e obtén 47,2 puntos.

Por último, as mulleres do Estado español obteñen unha nota de 90,7 en cuestións sanitarias como o acceso aos servizos de saúde, onde a media da UE é de 90,1.

 

Fonte: Rtve

 

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS