Quen traballa máis os homes ou as mulleres?15-11-2012 - INSHTPara responder con seriedade á pregunta anterior, é preciso aclarar previamente que entendemos por traballo. Se no concepto se inclúe unicamente a actividade remunerada, na maioría dos países os homes traballan de media máis horas que as mulleres, moitas das cales ocupan empregos a tempo parcial (aínda que non sempre por vontade propia, senón porque non encontran un traballo a tempo completo). |
---|
Pero se se inclúe tamén a actividade non remunerada, fundamentalmente as tarefas domésticas e familiares, o panorama cambia drasticamente, como se observa na figura (podes premer nela para ampliala).
O tempo que as
mulleres dedican ao traballo non remunerado é, aproximadamente,
entre tres e cinco veces superior ao que dedican
os homes, o cal,
sumado a xornadas remuneradas de similar duración fai que a
xornada de traballo total das mulleres supere amplamente á dos
homes.
No caso dos que traballan a tempo parcial, a duración total sería dunhas trinta e tres horas/semana para os homes e de cincuenta e oito para as mulleres, e no caso dos empregos a tempo completo as cifras correspondentes serían de cincuenta e cinco horas/semana para os homes e de sesenta e seis para as mulleres, incluídos en todos os casos o tempo de desprazamento ao traballo.
Cando se estuda a cuestión tomando como base a situación familiar as diferenzas non son tan marcadas. Así o proban os datos proporcionados pola V Enquisa Europea de Condicións de Traballo (2010), que considerou, tanto para homes como para mulleres, catro posibles situacións: solteiro sen fillos; familia monoparental; parella sen fillos e parella con fillos.
Os resultados se mostran na figura da dereita (podes premer nela para ampliala) e poñen de manifesto que, a igualdade de situación familiar, a diferenza entre o tempo de traballo total de homes e mulleres é relativamente pequena no caso de solteiros sen fillos e de familias monoparentais; no caso de parellas sen fillos a diferenza é dunhas cinco horas/semana e alcanza o seu máximo no caso de parellas con fillos, onde a muller traballa unhas trece horas máis á semana que o home.
A figura está tomada do informe da V Enquisa Europea, dispoñible en:
http://www.eurofound.europa.eu/pubdocs/2011/82/en/1/EF1182EN.pdf
Fonte: Erga@online n.º 116