Boletín CIG - Saúde Laboral Nº 1025-06-2014 - GABINETE TÉCNICO CONFEDERAL DE SAÚDE LABORAL - CIGA importancia da representación e consulta de traballadores e traballadoras en materia de seguridade e saúde laboral queda patente nos datos reflectidos na enquisa ESENER, elaborada pola Axencia Europea para a Seguridade e Saúde no Traballo. A valoración deste aspecto da enquisa comparte espazo no Boletín con outros temas como a situación que en materia de saúde laboral están a padecer traballadores e traballadoras do servizo de reparto de correo, a "Guía de vixilancia da saúde na pesca", o mercado de traballo visto dende un punto de vista de xénero ou o procedemento de actuación en caso de accidente de traballo. |
---|
O Boletín CIG-Saúde Laboral Nº 10, pode descargarse premendo na seguinte ligazón ou acudindo á portada da web, ao espazo específico que ocupa o Boletín. A partires deste número, o Boletín únicamente se publicará en formato dixital.
O sumario deste número 10 conta con dous artigos dentro baixo o epígrafe de Opinión: por unha banda “A representación e consulta dos traballadores/as en materia de seguridade e saúde", que aparece na portada, e por outra “Apuntamentos sobre o entorno laboral dende un punto de vista de xénero.”
No apartado Entrevista contamos coa participación de Carlos del Río López, representante da CIG no Comité Provincial de Seguridade e Saúde Laboral de A Coruña e Responsable comarcal do sector de Correos e Telégrafos da área de Ferrol; baixo o epígrafe de Colaboración atoparemos información sobre a "Guía de vixilancia da saúde na pesca" e en Información Técnica o artigo "Accidente de traballo: procedemento básico de actuación".
Gabinete Técnico Confederal de Saúde Laboral
CIG