Protección da saúde mental no posto de traballo17-10-2012 - PSICOSOCIALO ámbito laboral e o modo en que o traballo se organiza e se xestiona poden influir na saúde mental dos empregados. |
---|
O traballo é beneficioso para a saúde mental, pois pode proporcionar unha maior sensación de inclusión social, status e identidade e achegar unha estrutura temporal. E á inversa: observouse que moitos dos factores psicosociais de risco no ámbito laboral aumentan o risco de ansiedade, depresión e esgotamento.
Nesta folla
informativa da Axencia Europea para a Seguridade e Saúde no Traballo
resúmese un informe sobre boas prácticas destinadas a fomentar a
saúde mental no lugar de traballo, entendendo por boas prácticas
todas aquelas que inciden positivamente sobre a saúde psíquica.
Céntrase principalmente nos factores que manteñen e melloran o noso benestar psíquico, e destaca como, para ser plenamente efectiva, a protección da saúde mental debe incluír tanto a xestión de riscos coma a promoción da saúde.
Fonte: Axencia Europea para a Seguridade e Saúde no Traballo