Co financiamento de:
/ Portada / Coronavirus

Luz ultravioleta para inactivar o coronavirus

12-11-2021 - I+D+i

Os efectos xermicidas da luz ultravioleta convertérona nun dos métodos empregados para lograr a eliminación da posible viralidade sobre superficies que non podían ser limpadas con solucións alcohólicas ou virucidas. Con todo, xurdiu a lóxica pregunta: que cantidade de luz ultravioleta é realmente efectiva contra o coronavirus SARS-CoV-2? Un estudo liderado pola UCM, cunha técnica probada en ascensores e temas de transporte determina a cantidade de luz ultravioleta necesaria para eliminar o 99% do SARS-CoV-2.

A investigación liderada pola Universidade Complutense de Madrid (UCM), publicada en ‘Nature’, determina que son necesarios 21,6 xullos de enerxía de luz ultravioleta por metro cadrado para inactivar o coronavirus ao 99%. A técnica probouse en ascensores e sistemas de transporte. Esta cantidade exprésase en función da proporción estatística que consegue inactivar. Segundo este estudo, para eliminar o 90% do virus é necesaria unha fluencia –dose de enerxía– de 10,8 xullos por metro cadrado, mentres que para conseguir un 99% de inactivación fan falta 21,6 J/ m2.

A enerxía depositada sobre os obxectos que se desexa hixienizar depende do tempo de exposición. “O coñecemento da enerxía característica de inactivación, permite dimensionar adecuadamente a potencia das fontes de luz UV e acoutar os tempos de exposición para realizar un tratamento desinfectante de forma eficiente, no menor tempo posible”, explicou o coautor do artigo publicado e investigador do Departamento de Óptica da UCM Javier Alda.

Fonte: Prevencion integral

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS