Manual “Prevención de riscos Laborais en traballos de oficina”, da Universidade da Rioxa12-09-2017 - UNIVERSIDADE DA RIOXAO Servizo de Prevención de Riscos Laborais da Universidade da Rioxa elabora un manual para axudar aos traballadores/a a coñecer os principais riscos que poden atopar nunha oficina, co fin de que poidan recoñecer posibles anomalías e aplicar, se é o caso, as medidas preventivas adecuadas ou poñerse en contacto co seu Servizo de Prevención de Riscos Laborais. |
---|
Os riscos dos traballos en oficinas abarcan aspectos tan diferentes como os trastornos musculoesqueléticos (dor de pescozo e costas, por exemplo), a fatiga visual, a dor de cabeza, a irritación dos ollos, o disconfort térmico, a monotonía, a falta de motivación, a tensión, etc.
Todos estes trastornos derívanse do uso continuado de equipos informáticos, manexo de software, utilización de mobiliario así como da exposición a determinadas condicións ambientais de ruído, temperatura e humidade e iluminación. O correcto deseño e elección de todos estes elementos ten unha importante influencia sobre a comodidade, eficacia no traballo e, mesmo, sobre a saúde dos traballadores e traballadoras.
Para unha adecuada prevención de riscos laborais os aspectos básicos a ter en conta son:
- Unha adecuada organización do traballo e das tarefas.
- Un bo deseño das instalacións que nos garanta unhas boas
- condicións ambientais.
- Unha selección adecuada do equipamento: mesas, cadeiras, equipos informáticos, etc.
- Formación e información aos traballadores/as.
No manual non se abordan os riscos psicosociais, debido á especificidade desta materia e á complexidade e relación que estes riscos teñen coas relacións humanas e a organización do traballo.
Acceso ao manual "Prevención de riscos Laborais en traballos de oficina"
Fonte: Universidade da Rioxa