A empresa deberá abonar un recargo do 40% á viúva dun traballador que estivo en contacto con amianto20-04-2016 - AmiantoA Sala do social do Tribunal Superior de Xustiza de Cantabria confirma a sentenza ditada polo Xulgado do Social nº 3 de Santander, que impuxo a recarga ao constatar que a empresa non adoptara as medidas de seguridade vixentes cando o traballador tivo contacto o amianto, nos anos setenta. Esta recarga se abonará sobre a pensión de viuvez dunha muller cuxo home faleceu por mor dunha grave enfermidade pulmonar provocada polo contacto directo con amianto, material co que traballou durante seis anos. |
---|
Segundo se relata na sentenza, o traballador estaba en contacto directo con amianto pois parte do seu traballo consistía en proxectar fibras deste material."Os sacos de amianto abríanse polos traballadores, botábanse na tolva e coa mangueira proxectábanse sobre as vigas; nestas operacións, o po do amianto expandíase polo aire" , sinala o texto. "Para paliar os efectos do amianto, a empresa recomendáballes beber leite", medida que, a xuízo do titular do Xulgado do Social nº 3, "non parece ser a medida de seguridade máis idónea". A sentenza tamén indica que "o traballador prestou servizos seis anos para a empresa demandada en contacto co amianto e non se adoptaron as medidas de seguridade correspondentes, cando xa se coñecía -ou debía coñecer- que o contacto con este material podería provocar os efectos perniciosos que desafortunadamente acaeceron" e que "aínda que antes dos anos oitenta non se coñecían as consecuencias directas da inhalación do amianto", si existía "un importante número de normas que impoñían obriga de controis, limpeza e recoñecementos médicos". "Non é desatinado afirmar que se a empresa tivese tomado algunha medida de seguridade (máscaras, equipos de protección individual, máquinas que paliasen os efectos do amianto) ou se os recoñecementos fosen profusos e completos (a nivel pulmonar, por exemplo), a lesión pulmonar do traballador podería non desenvolverse ou a súa manifestación non ser tan virulenta".
O traballador, que padecía un mesotelioma pleural, tiña recoñecida unha incapacidade permanente absoluta dende abril de 2014, tres meses antes do seu falecemento.
Ligazón á sentenza