Co financiamento de:
/ Portada / PRL Sectorial

Os esvaróns e tropezóns, principal causa de accidente nas industrias químicas

27-06-2013 - RISCO QUÍMICO

Os traballadore das industrias químicas, sofren a maioría dos accidentes laborais por causas totalmente alleas á manipulación ou interacción coas substancias químicas que adoitan rodear o seu lugar de traballo.

Os traballadores das industrias químicas, un sector representado na bisbarra avilesina a través de firmas como Du Pont, Fertiberia, Chemastur, Rymoil, entre outras, sofren a maioría dos accidentes laborais por causas totalmente alleas á manipulación ou interacción coas substancias químicas que adoitan rodear o seu lugar de traballo.

De feito, e segundo as conclusións ás que chega o informe anual de accidentalidade realizado pola Federación Empresarial da Industria Química Española (FEIQUE), a principal causa de accidentes nestas empresa durante 2012 foi o esvarón ou tropezón con caída (11% dos casos rexistrados). Para achar unha causa de accidente asociable á presenza de substancias químicas no ámbito laboral hai que descender ao quinto posto do listado, onde aparecen cunha frecuencia do 7 por cento dos casos computados os accidentes debidos a «escapes, rezumamientos, derramos ou salpicaduras».

A industria química logrou durante 2012 que o seu índice de frecuencia de accidentes estivese por debaixo da media do sector industrial. En concreto ese índice foi de 3,2 (o que significa que houbo 3,2 accidentes con baixa laboral por cada millón de horas traballadas). Ese índice é once veces menor que o da media da industria, catorce veces menor que a media da construción, cinco veces mellor que o do sector servizos e menor mesmo que o de sectores como o persoal doméstico ou a educación.

Atendendo á actividade física que estaban a realizar os traballadores no momento de accidentarse, o estudo de FEIQUE sinala como as tres causas máis frecuentes de accidente as seguintes: andar, correr, subir ou baixar (31% dos casos), alimentar ou baleirar máquinas (11%) e manipular obxectos (11%). O trasfego de líquidos ou a súa manipulación -unha operación frecuente na industria química- ocupa un discreto sexto lugar nesta lista (5% dos casos).

O lugar máis «perigoso» dunha industria química resulta ser o taller (o 58%dos accidentes tiveron lugar dentro desa dependencia), seguido das zonas industriais (sen especificar), os lugares públicos e os medios de transporte. Curiosamente, as oficinas, salas de reunión e bibliotecas, malia ser tidas por espazos inofensivos, son o escenario do 3% dos accidentes.

Seguindo coas conclusións do informe, o sobre esforzo físico é un axente causante de máis accidentes no sector químico (32% dos casos) que o contacto con substancias perigosas a través da pel ou os ollos (12%) ou a inxestión destas (1%). Respecto ás partes do corpo que sofren as consecuencias dos accidentes, a relación das máis frecuentes é a seguinte: pernas (afectadas no 15% dos casos), costas (13%), pés (11%) e dedos (10%). A cabeza apenas vese afectada no 4% dos accidentes.

As lesións máis frecuentes son as superficiais (un de cada tres accidentes sáldanse con este diagnóstico), seguidas das escordaduras e torceduras (12% dos casos), as dislocacións (7%) e as fracturas (7% tamén). As queimaduras químicas figuran no posto 11 dun ranking integrado por quince tipos de lesión. En liña con outros sectores, os días da semana máis propensos para que acontezan accidentes son o luns e o martes (21% dos casos respectivamente).

O presidente da comisión de seguridade de FEIQUE, Carmelo Urieta, congratúlase por «conseguir unha importante mellora en todos os índices de sinestralidade avaliados» se ben engade que «só poderemos darnos verdadeiramente por satisfeitos cando chegue o momento en que non se produza ningún accidente en ningunha das empresas do sector». Urieta pon a máxima énfase en que a mellor estratexia para evitar accidentes é a prevención.

Coincidindo coa difusión dos datos do último estudo de sinestralidade do sector químico, FEIQUE entregou o pasado mércores os seus premios de seguridade. Na categoría reservada para compañías con máis de 300 traballadores e grazas a ter obtido un índice de frecuencias igual a cero resultou galardoada Du Pont, que xunto ao Grupo Bayer (presente en Langreo) puxeron a nota asturiana na reunión. Na categoría de centros de produción con máis de 50 traballadores gañou un premio Fertiberia, pero non pola fábrica de Trasona senón pola de Puertollano (Ciudad Real).

 

Fonte de Datos: ine.es

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS