Co financiamento de:
/ Portada / Delegados

Sanidade inicia o trámite de audiencia do proxecto de real decreto polo que se crea o Rexistro Estatal de Profesionais Sanitarios

29-09-2011 - SISTEMA ESTATAL DE SAÚDE

O Ministerio de Sanidade, Política Social e Igualdade iniciou hoxe o trámite de audiencia do proxecto de real decreto polo que se crea e regula o Rexistro Estatal de Profesionais Sanitarios. A creación deste rexistro, que se integrará no sistema de información do Sistema Estatal de Saúde (SNS), configúrase como un instrumento nuclear de información dos recursos humanos no ámbito sanitario.

Con este proxecto de real decreto quérense sentar as bases para dispor dunha importante ferramenta na planificación dos recursos humanos que contribúa á mellora na realización de estudos prospectivos de oferta-demanda. Deste xeito, o Ministerio responde ao compromiso adquirido o pasado mes de xullo co Foro da Profesión Médica e o Consello Xeral de Enfermería de iniciar os trámites para a creación desta ferramenta.

 O rexistro de profesionais sanitarios terá as seguintes funcións:

 a) Rexistrar os datos relativos aos profesionais sanitarios incluídos no seu ámbito.

 b) Fornecer aos órganos competentes da Administración sanitaria os datos que figuren no rexistro e que son necesarios para a planificación e xestión dos recursos humanos, de xeito directo, ou previo tratamento estatístico dos datos.

 c) Integrar no sistema de información sanitaria do Sistema Estatal de Saúde os datos relativos aos profesionais sanitarios.

 DATOS INSCRIBIBLES

 O proxecto de real decreto recolle, ademais, que os datos que deberá recoller o rexistro serán os seguintes:

 1) Nome e apelidos.

2) Documento de Identidade.

3) Data de nacemento.

4) Sexo.

5) Lugar de nacemento.

6) Nacionalidade.

7) Código postal de residencia.

8) Titulación, especialidade e vía de acceso.

9) Diplomas en áreas de capacitación específica.

10) Grao de carreira profesional.

11) Situación profesional.

12) Exercicio profesional.

13) Centro de traballo.

14) Datos de colexiación profesional.

 No rexistro estal de profesionais sanitarios integraranse os rexistros dos colexios profesionais e os seus Consellos Xerais, dos Servizos de Saúde/Sanidade da Comunidades Autónomas, así como doutras institucións sanitarias e departamentos dependentes da Administración do Estado.

 CONSULTA DE DATOS

 O Ministerio de Sanidade Política Social e Igualdade adoptará as medidas necesarias para garantir a confidencialidade da información contida no rexistro de profesionais sanitarios, así como a súa utilización con fins exclusivamente estatísticos, científicos e/ou sanitarios.

 No entanto, o proxecto de real decreto establece que terán carácter público os datos do rexistro referidos a nome, titulación, especialidade, lugar de exercicio, e no seu caso, categoría e función do profesional.

 A implantación do rexistro nacional de profesionais sanitarios realizarase no prazo de seis meses contados a partir da entrada en vigor do real decreto.

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS