Os accidentes laborais sen baixa aumentan un 2,32% ata outubro.24-01-2012 - DATOS SINIESTRALIDADEDurante os dez primeiros meses do pasado ano, os accidentes laborais sen baixa incrementáronse o 2,32%, mentres que os accidentes con baixa durante a xornada de traballo descenderon en algo máis de 40.000, ata os 529.768 sinistros. |
---|
En total, os accidentes de traballo en valores absolutos retrocederon un 8,37%, o que significa que dous traballadores falecen cada día en España polo xesto cotián de ir a traballar e trece teñen un accidente grave. Ademais, de xaneiro a outubro 617 traballadores faleceron como consecuencia do seu traballo, deles os 465 perderon a vida durante a súa xornada de traballo e nos seus centros, en tanto que os accidentes " in itínere" sumaron 152.
O aumento dos accidentes sen baixa en 2010, cunha media de 64.609 accidentes, leva a "intuír" que os empregados que sofren un accidente leve, ou menos grave, prefiren continuar no seu posto de traballo ante a ameaza de ser despedidos.
En canto a enfermidades, declaráronse un total de 15.772 enfermidades profesionais durante os dez primeiros meses de 2010, das que 8.336 foron con baixa e 7.436, sen baixa. En 2010 declaráronse 155 enfermidades profesionais máis que en 2009, o que supón un incremento dun 0,99%. Así mesmo, as enfermidades profesionais que ocasionaron baixa en 2010 diminuíron un 6,90%, en tanto que as enfermidades profesionais sen baixa superaron en 936 as declaradas no mesmo período de 2009.
Xestión Práctica de Riscos Laborais, Editorial WOLTERS KLUWER ESPAÑA