Boletín CIG - Saúde Laboral Nº 2
GABINETE TÉCNICO CONFEDERAL DE SAÚDE LABORAL - CIG
03/07/2012
/Portada Boletín CIG - Saúde Laboral Nº 2 galego
A terceira entrega do Boletín CIG - Saúde Laboral xa está dispoñible. Partimos dun editorial no que Antolín Alcántara Álvarez, Secretario Confederal de Negociación Colectiva e Saúde Laboral, aborda en parte as consecuencias que para os traballadores e traballadoras está tendo a implantación da reforma laboral, consecuencias estas que se reflicten nun deterioro das condicións de traballo, da saúde laboral e da calidade de vida do conxunto da poboación. Artigos nos que se tratan temas relacionados co amianto, a protección da maternidade, as mutuas ou a biomecánica, completan o sumario deste número.
 
/Diñeiro
A Seguridade Social fai uso de 4.400 millóns do Fondo de Prevención para apoiar o pagamento de prestacións
SEGURIDADE SOCIAL
23/08/2012
A Seguridade Social recorrerá finalmente ao Fondo de Prevención e Rehabilitación para apoiar o pagamento das prestacións. En concreto, fará uso de 4.400 millóns de euros, practicamente a totalidade da dotación do fondo, que conta con algo máis de 4.646 millóns, segundo datos que manexa o Goberno aos que tivo acceso Europa Press.
 
/Posturas forzadas
Posturas forzadas e movementos repetitivos causan o maior número de enfermidades profesionais
Observatorio de Continxencias Profesionais da Seguridade Social
24/08/2012
Segundo as estatísticas ofrecidas polo Ministerio de Emprego e Seguridade Social no Observatorio das Continxencias Profesionais da Seguridade Social, os axentes que causaron un maior número de enfermidades profesionais dende xaneiro a abril deste ano foron enfermidades provocadas por posturas forzadas e movementos repetitivos no traballo e hipoacusia ou xordeira provocada polo ruído.
 
/Imaxen do ISSG
Sinistralidade por concellos no segundo trimestre do ano 2012
ISSGA
22/08/2012
Datos de sinistralidade do segundo trimestre de 2012 referidos a Galiza, desagregados por provincias e concellos.
 
Unha gran cantidade de axentes químicos poderían estar sen rexistrar nos centros de traballo
HIXIENE
16/08/2012
O regulamento europeo de control de substancias químicas (REACH) indica que todas as substancias consideradas canceríxenas, mutágenas e tóxicas para a reprodución -coñecidas como CMR-, e que teñen unha clasificación harmonizada deben estar rexistradas.
 
Traballar moitas horas de pé durante o embarazo pode afectar ao tamaño do bebé
SAÚDE LABORAL
13/08/2012
As mulleres que pasan longos períodos de pé durante o seu embarazo teñen bebés cuxas cabezas ao nacer son un centímetro (3%) máis pequenas que a media, o que implica unha taxa de crecemento máis lento.
 
Un estudo publicado pola revista British Medical Journal confirmaría a asociación entre traballar en quendas de tarde e noite e un maior risco de accidentes cardiovasculares e ictus
SAÚDE
14/08/2012
O traballo por quendas afectaría negativamente ao sono e aos ritmos circadianos (o chamado reloxo biolóxico) o cal provocaría efectos negativos para a saúde: maior risco de hipertensión, diabete ou niveis elevados de colesterol.