No marco de actividades da "CAMPAÑA EUROPEA DE INSPECCIÓN 2012, AVALIACIÓNS DE RISCOS PSICOSOCIAIS", a Inspección de Traballo e Seguridade Social consciente das especiais características dos riscos psicosociais e tendo en conta que a diferenza doutros riscos non existe unha normativa nin europea nin nacional específica respecto diso, procede a divulgar a "GUIA DE ACTUACIÓNS DA INSPECCIÓN DE TRABALLO E SEGURIDADE SOCIAL SOBRE RISCOS PSICOSOCIAIS".

A Secretaría de Muller da CIG vén de publicar unha Guía sobre Conciliación. Esta guía pretende dar resposta as preguntas máis usuais sobre a maternidade, a paternidade, as prestacións e os permisos relacionados coa conciliación, así como o tratamento da problemática da violencia de xénero e o acoso no traballo. Así mesmo contén medidas, plans e protocolos de igualdade a implantar nas empresas e modelos de solicitude para entregar na empresa.

No últimos dez anos, o Estado español pasou de ser un país emisor de emigrantes a ser un receptor de fluxo migratorio. Desde o ano 2000 o estado ten unha das maiores taxas de inmigración do mundo. Actualmente son máis de 5.700.000 persoas procedentes doutros países as que viven no Estado español. No que respecta á poboación economicamente activa, case o 13% é de nacionalidade estranxeira, dos cales o 85% son de países de fóra da Unión Europea. Na actualidade, polos efectos da crise económica e o altísimo desemprego, os fluxos migratorios descenderon moito e mesmo en 2011 produciuse un descenso, por primeira vez na historia, de 37.000 persoas en cifras absolutas.