Portada
Gabinete
Recursos técnicos
Igualdade
Denuncias
Enlaces de Interese
Contacto
7/2/2018
Facebook Twitter Google Plus Chuza Menéame del.icio.us
compartir

A Comisión Mundial da OIT abordou as principais oportunidades e desafíos relativos ao futuro do traballo

Comisión Mundial sobre o Futuro do Traballo OIT
A Comisión Mundial sobre o Futuro do Traballo concluíu a súa primeira reunión o domingo 22 de outubro do 2017, logo dun amplo debate sobre as principais forzas que están a configurar o mundo do traballo, as oportunidades que ofrece e os desafíos que deben ser superados a fin de garantir un futuro do traballo con xustiza social.

Os 28 membros da Comisión examinaron os chamados “mega factores do cambio” -ecnoloxía, demografía, cambio climático e globalización- e abordaron unha serie de cuestións específicas, como a evolución do papel da muller no mercado de traballo, a importancia da educación e das competencias, a relación entre pobreza, desigualdade e informalidade (precariedade) no mundo de traballo, as perspectivas para os mozos, o papel das empresas, os/as empregados/as e os sindicatos, e a evolución dos valores e preferencias nas sociedades que terán un impacto sobre o mundo do traballo.

A Comisión destacou a necesidade de adoptar medidas concretas para responder aos principais desafíos do mundo do traballo que están no centro das preocupacións das sociedades en todo o mundo. Para formular as súas recomendacións, a Comisión ten previsto involucrar a actores e partes interesadas. A copresidenta da Comisión Ameenah Gurib- Fakim, Presidenta de Mauricio, declarou que “o mundo globalizado no cal vivimos precisa da solidariedade mundial para facer fronte a estas cuestións que xa non son de natureza rexional nin nacional, senón que teñen unha dimensión global”. O copresidente Stefan Löfven, Primeiro ministro de Suecia, destacou que “nos referimos á necesidade dunha economía mundial que estea ao servizo de todas as persoas, non só de algunhas”.

O informe da Comisión será presentado á Conferencia Internacional do Traballo do Centenario da OIT, en 2019. Está previsto que a próxima reunión da Comisión teña lugar en febreiro 2018 en Xenebra.

A Comisión Mundial foi establecida para avaliar os cambios que están a transformar o mundo do traballo e para formular recomendacións sobre o camiño a seguir. Marca a segunda fase da Iniciativa relativa ao futuro do traballo da OIT , lanzada polo Director Xeral da OIT, Guy Ryder, en 2012, despois da primeira fase durante a cal os Estados membros da OIT organizaron diálogos nacionais e subregionales a fin de achegar os seus puntos de vista sobre o futuro do traballo.

FONTE: XENEBRA (OIT Noticias)

Con la financiación de/ Co financiamento de:
DI-0015/2009, AD-0002/2011, DI-0001/2011, DI-0001/2012, DI-0001/2013, DI-0001/2014, DI-0001/2015. Os contidos publicados son responsabilidade exclusiva do Gabinete Técnico Confederal de Saúde Laboral da Confederación Intersindical Galega e non reflicte necesariamente a opinión da Fundación para a prevención de riscos laborais