imprimir
Unha ferramenta novidosa contra a dor de costas
Esta nova tecnoloxía permite realizar o diagnóstico e a cuantificación, de forma segura e rendible, de cambios patolóxicos ou anomalías asociadas a esta parte do corpo.
A dor de costas e, máis en xeral, da parte inferior do corpo, é unha afección bastante común. Por norma, é necesario recorrer a radiografías ou métodos invasores que determinen os cambios patolóxicos causantes, para o que se precisa o desenvolvemento de equipo apropiado que permita efectuar medicións tridimensionais coas que analizar parámetros clínicos funcionais da parte inferior do corpo.
Ante esta situación, os responsables do proxecto financiado con fondos europeos Aurora propuxéronse desenvolver e construír un sistema económico para reconstruír os movementos músculo-esqueléticos a partir dos volumes explorados da parte inferior do corpo.
Tecnicamente, o obxectivo era desenvolver un prototipo de sistema capaz de extraer datos superficiais anatómicos das extremidades inferiores do corpo humano. Con este fin, desenvolveuse un método baseado na proxección de franxas mediante láser e a reconstrución mediante triangulación para realizar medicións tridimensionais tendo en conta o factor tempo.
Desenvolvéronse modelos músculo-esqueléticos das extremidades inferiores empregando datos superficiais do corpo e integrando os coñecementos de biomecánica existentes. Desenvolveuse un programa informático exprofeso e se adaptáron cámaras aos requisitos do novo dispositivo.
O sistema Aurora presenta grandes probabilidades de aplicación no ámbito clínico ao non emitir radiacións e ser capaz de realizar diagnósticos dinámicos. Se se consegue producilo a un prezo asequible, espérase que resulte beneficioso para as moitas persoas afectadas de doenzas músculo-esqueléticas.
Fonte: cordis.europa.eu
