Portada
Gabinete
Recursos técnicos
Igualdade
Denuncias
Enlaces de Interese
Contacto
2/3/2018
Facebook Twitter Google Plus Chuza Menéame del.icio.us
compartir

Boletín CIG Saúde Laboral Nº 26

Gabinete Técnico Confederal de Saúde Laboral - CIG
Neste Nº 26 do Boletín CIG Saúde Laboral, o Gabinete Técnico Confederal de Saúde Laboral publica unha exhaustiva entrevista ao novo Secretario Confederal de Saúde Laboral da CIG Francisco Cartelle, a través da cal se desglosan visións e posicionamentos clave da nosa central sindical en relación á actual problemática da prevención de riscos e a saúde laboral tanto no noso País como no conxunto do Estado.

Asemade se aborda un amplo artigo sobre a problemática de SST que afecta aos traballadores/as das Plataformas en Liña, referenciado nun estudio (so dispoñible en inglés) recentemente realizado polo Observatorio Europeo de Riscos; así como un extenso dossier adicado ao acoso psicolóxico no traballo no que se dan numerosas pautas e informacións para poder identificar axeitadamente a esixtencia desta forma de violencia nos centros de traballo.

Deseguido e completando este número inclúense, un artigo sobre o novo proxecto de RD sobre o control e recuperación de fontes radioactivas orfas, no que se inclúen aportacións realizadas pola CIG en diveros aspectos deste futuro RD, e un informe sintético en relación á actividade desenvolvida polo Gabinete Técnico Confederal de Saúde Laboral no pasado ano 2017.

O Boletín CIG-Saúde Laboral Nº 26 pode descargarse premendo na seguinte ligazón ou acudindo á portada da web, ao espazo específico que ocupa o Boletín. O Boletín CIG Saúde Laboral únicamente se publica en formato dixital.

Se estás interesado/a en recibir o Boletín CIG - Saúde Laboral na túa caixa de correo, podes darte de alta premendo aquí

Con la financiación de/ Co financiamento de:
DI-0015/2009, AD-0002/2011, DI-0001/2011, DI-0001/2012, DI-0001/2013, DI-0001/2014, DI-0001/2015. Os contidos publicados son responsabilidade exclusiva do Gabinete Técnico Confederal de Saúde Laboral da Confederación Intersindical Galega e non reflicte necesariamente a opinión da Fundación para a prevención de riscos laborais