Portada
Gabinete
Recursos técnicos
Igualdade
Denuncias
Enlaces de Interese
Contacto
12/5/2017
Facebook Twitter Google Plus Menéame del.icio.us Chuza
compartir

Conseguir hidróxeno a partires de aire contaminado

I+D+i
Investigadores das universidades de Anveres e KU Leuven, en Lovaina (Bélxica), conseguiron crear nun dispositivo que pode purificar o aire ao mesmo tempo que xera hidróxeno; "o aparello conta con dous espazos separados por unha membrana; nun dos espazos levase a cabo o proceso de descontaminación; os compostos que se degradan contribúen a producir hidróxeno no outro espazo", explica un dos investigadores, experto en Enxeñería aplicada ás ciencias da vida. O hodróxeno producido pode almacenarse e utilizarse máis tarde como combustible, como xa se está a facer, por exemplo, en certos autobuses.

Segundo indican os investigadores, a chave do proceso está na estrutura da membrana, que emprega distintos nanomateriais como catalizadores. Trátase dunha tecnoloxía similar á que permite extraer o hidróxeno da auga. Para funcionar únicamente é preciso expoñer o dispositivo á radiación solar.

"Na actualidade estamos a traballar a pequena escala, en superficies de poucos centímetros cadrados, pero a nosa intención é que este avance poida aplicarse a procesos industriais. Para iso tamén temos que optimizar o sistema que aproveita a enerxía solar", sinalan os investigadores.

Con la financiación de/ Co financiamento de:
DI-0015/2009, AD-0002/2011, DI-0001/2011, DI-0001/2012, DI-0001/2013, DI-0001/2014, DI-0001/2015. Os contidos publicados son responsabilidade exclusiva do Gabinete Técnico Confederal de Saúde Laboral da Confederación Intersindical Galega e non reflicte necesariamente a opinión da Fundación para a prevención de riscos laborais