Portada
Gabinete
Recursos técnicos
Igualdade
Denuncias
Enlaces de Interese
Contacto
11/5/2018
Facebook Twitter Google Plus Menéame del.icio.us Chuza
compartir

Novas directrices da OIT para garantir o traballo decente nos servizos públicos de urxencia

OIT
Un grupo de expertos, en representación de gobernos, organizacións de empregadores e de traballadores, veñen de traballar na adopción dunha serie de Directrices sobre o traballo decente nos servizos públicos de urxencia. Estas Directrices contemplan as condicións que enfrentan traballadores e traballadoras no exercicio das súas competencias, así como a variedade de situacións que deben atender: epidemias, fenómenos meteorolóxicos extremos, accidentes industriais, conflictos armados e actos terroristas.

Segundo a Directora do Departamento de Políticas Sectoriais da OIT, as Directrices, que serán sometidas para a súa aprobación ao Consello de Administración da OIT, invitan a:

- Adoptar medidas que protexan aos traballadores dos SPU contra xornadas laborais excesivas.

- As modalidades e as condicións de traballo, incluído o tempo de traballo e os días de descanso e de vacacións, deberán determinarse mediante a negociación colectiva ou o seu equivalente.

- Despregar esforzos para protexer aos traballadores dos SPU do impacto da austeridade fiscal.

- Acceso á protección social para os traballadores dos SPU e os seus familiares a cargo, incluída a cobertura en caso de enfermidades profesionais, accidente ou morte relacionados co traballo.

- O dereito a un salario mínimo, que cubra as necesidades dos traballadores dos SPU e as súas familias.

- A conformidade coas normas de Seguridade e Saúde no Traballo ( SST). Ademais do sobreesfuerzo físico e psicolóxico que se lles esixe, os traballadores dos SPU enfrontan diversos problemas de SST, como a exposición a residuos, fugas de materiais perigosos, contaminación da auga e do aire, asbesto e radiacións, así como temperaturas extremas, derrubes de edificios, accidentes de tráfico e ao risco de caídas.

Estas directrices revisan as Directrices sobre o diálogo social nos servizos públicos de urxencia adoptadas pola OIT en 2003 e complementan a Recomendación núm. 205 que abarca “todas as medidas relativas ao emprego e ao traballo decente que se adoptan para responder as situacións de crises provocadas polos conflitos e os desastres”.

Segundo declarou a representación dos traballadores no grupo de expertos “necesitamos este tipo de orientación para motivar aos nosos membros e educalos sobre as súas responsabilidades en materia de preparación e de resposta aos desastres… Grazas á achega destas directrices podemos traballar cos gobernos e os empleadores dos SPU a fin de crear unha contorna realmente propicia”

Con la financiación de/ Co financiamento de:
DI-0015/2009, AD-0002/2011, DI-0001/2011, DI-0001/2012, DI-0001/2013, DI-0001/2014, DI-0001/2015. Os contidos publicados son responsabilidade exclusiva do Gabinete Técnico Confederal de Saúde Laboral da Confederación Intersindical Galega e non reflicte necesariamente a opinión da Fundación para a prevención de riscos laborais