Portada
Gabinete
Recursos técnicos
Igualdade
Denuncias
Enlaces de Interese
Contacto
SQM
17/7/2017 Sentenza
A Sala do Contencioso do Tribunal Superior de Xustiza da Rioxa condenou á Consellería de Saúde do Goberno da Rioxa a indemnizar con 48.000 euros a unha auxiliar de clínica do Hospital Fundación de Calahorra que sufriu un accidente laboral no 2011. A sentenza, que é firme, determina que a partir daquel incidente a traballadora desenvolveu unha síndrome de sensibilidade química múltiple polo que carrexa secuelas «que van facerse notorias nas relacións sociais, familiares e que van limitar a súa actividade laboral e persoal».
Sentenza
26/6/2017 Sentenza
A Audiencia Provincial de Cantabria condea a 22 meses de prisión e multa de 1.260 euros a un xefe de obra e ao xerente dunha empresa contratista, pola morte no ano 2009 dun traballador que se cravou unha variña de ferralla ao caer ao chan dende unha escaleira de man cando colocaba un encofrado. Se os considera autores dun delito contra os traballadores e outro de homicidio por imprudencia grave. Segundo a Audiencia, ambos "fixeron total deixazón das súas obrigas de forma moi grave, deixando aos traballadores da obra totalmente desprotexidos".
traballadores/as mozos
22/6/2017 Sinistralidade
Os traballadores/as menores de 35 anos sufriron no ano 2015 o 29 % dos accidentes laborais. As estatísticas amosan que a menor idade e menor duración do contrato hai unha maior propensión a sufrir accidentes laborais: do total de accidentes con baixa de mozas e mozos (137.286 casos), o 30 % tiña un contrato inferior a 2 meses.
Traballar con calor, INSHT
19/6/2017 Hixiene
No verán moitos traballadores/as sobre todo aqueles que traballan ao aire libre son vítimas da calor. Por citar algúns os traballos en obras públicas, na construción, ou na agricultura, levan á exposición dos traballadores/as a temperaturas moi elevadas nos meses máis calorosos. O estrés térmico por calor pode orixinar diversos danos á saúde, desde cambras, deshidratación, esgotamento por calor ou golpe de calor. Este último é irreversible, de suma gravidade e pode chegar a ocasionar a morte.
Particiipación pública en proxectos normativos
14/6/2017 Ministerio de Emprego e Seguridade Social
O Ministerio de Emprego e Seguridade Social ven de incorporar á súa páxina de "Participación pública en proxectos normativos" o texto que precede á elaboración da norma que incluirá o cancro de pulmón por exposición ao sílice como enfermidade profesional. A través desta páxina poderase valorar e opinar durante un período de tempo limitado sobre a actualización do cadro de enfermidades vinculadas co ámbito laboral. Unha adaptación que supón o recoñecemento da esixente contorna no que desenvolven a súa actividade as persoas en contacto co sílice.
ictus
6/6/2017 Saúde laboral
Segundo a Fundación Española do Corazón (FEC) o 43,5% dos accidentes mortais que se producen no traballo son consecuencia dun infarto ou dun accidente cerebrovascular. Estos datos se desprenden do informe "Estatísticas de Accidentes de Traballo" elaborado en 2016 (que fai referencia a datos do ano 2015) elaborado polo Ministerio de Emprego e Seguridade Social. "É importante destacar que, contrariamente ao que percibe a poboación xeral, a enfermidade cardiovascular non só ocorre entre a poboación envellecida, senón que segue sendo principal causa de morte na poboación activa" indica o vicepresidente da FEC. "Ademais, tamén cabe destacar que segundo o Ministerio cada ano prodúcense unhas 23.000 baixas laborais por enfermidades do sistema cardiovascular".
extintor
1/6/2017 Seguridade
O pasado 19 de maio, o Consello de Ministros aprobou o novo Real Decreto polo que se publica o novo Regulamento de Instalacións de protección Contra Incendios (RICIP). Este novo Real Decreto vai derrogar, entre outros, o actual Real Decreto 1942/1993, do 5 de novembro, polo que se aproba o Regulamento de instalacións de protección contra incendios. A entrada en vigor deste novo Regulamento producirase aos seis meses da súa publicación no Boletín Oficial do Estado,
Sentenza
26/5/2017 Sentenza
A sentenza exime de calquer tipo de responsabilidade ao director técnico da empresa, ao técnico de prevención, ao xefe de obra, ao encargado xeral e ao oficial de primeira que asumía algunhas funcións propias dun xefe de equipo ao recoñecer que a empresa dispoñía de todas as medidas de seguridade regulamentarias e que a vítima recibira tanto a formación como o equipo necesario para traballar.
Fukushima
23/5/2017 Saúde
Logo de seis anos do accidente, a compañía TEPCO continúa bombeando auga sen parar a través dos reactores co fin de enfriar o combustible fundido que permanece aínda demasiado quente e radiactivo para ser eliminado; este proceso está a xerar en torno a 400 toneladas de auga contaminada cada día, o que suma máis de 962.000 toneladas almacenadas na planta.
Previsel 2017
9/5/2017 10 e 11 de maio de 2017
Os vindeiros días 10 e 11 de maio, terá lugar en Ourense a duodécima edición do Salón da Prevención e a Seguridade Laboral, PREVISEL. A CIG estará presente a través do expositor para o intercambio de información e o contacto co público asistente e na organización da Xornada Técnica: "Acoso laboral. Acción sindical".
Posturas forzadas
4/5/2017 Saúde laboral
Segundo os datos reflectidos nun estudo baseado nas respostas de 4.000 empregados/as e 500 empresarios/as en toda Europa, o Estado español e o francés teñen a porcentaxe mais elevada de traballadores/as que acuden enfermos a traballar. No caso dos traballadores/as do Estado español o 29% admite que se ten prantexado cambiar de emprego debido ao impacto negativo que a contorna laboral está a ter na súa saúde.
Enfermeiras
27/4/2017 Saúde laboral
En febreiro, logo de case dous anos con xornadas de traballo de seis horas, as enfermeiras do centro xeriátrico Svartedalens en Gotemburgo, Suecia, volveron ás súas quendas de oito horas porque a primeira vista os custos deste experimento superaron os beneficios. Unha nova investigación incide nos beneficios dos horarios laborais máis curtos máis saúde e maior produtividade.
Estres laboral
20/4/2017 SAÚDE
Non Estado español seis de cada dez traballadores/as sofre algún tipo de tensión no traballo, segundo cifras do Instituto Nacional de Estatística (INE). O 20% dos empregados europeos afirma padecer a síndrome Burnout ou traballador/a queimado/a, segundo un estudo da Fundación Europea para a Mellora das Condicións de Vida e Traballo.
Glifosato
12/4/2017 SAÚDE
A Comisión Europea ten agora vía libre para alongar durante anos a licenza do herbicida máis criticado e polémico
Sentenza
6/4/2017 Sentenza
A Sala do Social do Tribunal Supremo, dictamina que a Seguridade Social ten que conceder unha pensión de incapacidade permanente total a un albanel que sufriu un accidente sen estar dado de alta. O accidente de tráfico tivo lugar no espazo de tempo que quedou entre que o traballador cesou de xeito voluntario na empresa (coa intención de continuar a traballar noutra empresa do sector) e o inicio da actividade na outra empresa.
Sentenza
3/4/2017 sentenza
O empresario foi declarado autor dun delito contra o dereito dos traballadores e condenado a 14 meses de prisión e ao pago de 3.600 euros de multa. A autoridade xudicial o responsabiliza dun accidente laboral no que un traballador sufriu lesións de gravidade tras caerlle encima unha peza de 1.700 quilos. O accidente produciuse cando varios traballadores trasladaban nun guindastre ponte un taboleiro dunha comporta de 1.700 quilos; cando a peza ía ser depositada sobre uns perfís o gruista elevouna para que na parte inferior da mesma se colocasen uns elementos de madeira co fin de evitar que se puidese levantar a pintura; No momento no que o operador do guindastre comezou a baixar o taboleiro, a «garra» que o suxeitaba soltouse e caeu sobre un traballador.
Sentenza
21/3/2017 sentenza
O Tribunal Supremo considerou que se trata dun accidente de traballo in itinere o sinistro no que faleceu un traballador logo de achegar ás súas casas a dous compañeiros de traballo ao finalizar a xornada laboral. Tanto a mutua coa que a empresa tiña contratada a cobertura de accidente de traballo como a Seguridade Social negaron á familia do traballador as prestacións previstas para o caso de accidente laboral. A familia acudiu aos tribunais, que tampouco lles deron a razón.
Sentenza
15/3/2017 Sentenza
Este caso refírese a un condutor de camións que padece diversas doenzas e limitacións funcionais derivadas de enfermidade común que motivaron o seu despedimento por ineptitude sobrevida, logo de que o Servizo de Prevención que realizaba as tarefas de Vixilancia da Saúde o declarase NON APTO. Posteriormente, o traballador solicita o recoñecemento dunha Incapacidade Permanente Total, por estimar que logo da declaración de non apto por parte do Servizo de Prevención está impedido para o desempeño da súa profesión, extremo que o INSS denega, non recoñecendo ningún grao de incapacidade.
Eurofound OIT
17/2/2017 OIT - Eurofound
Este informe sintetiza unha investigación realizada por ambas organizacións en 15 países, incluíndo a dez países da Unión Europea (Alemaña, Bélxica, España, Finlandia, Francia, Hungría, Italia, os Países Baixos, Suecia e o Reino Unido) así como Arxentina, Brasil, Estados Unidos, India e Xapón. O estudo identifica diversos tipos de empregados que usan as novas tecnoloxías para traballar fóra dos locais da empresa, como os teletraballadores que traballan regularmente na súa casa, traballadores que ocasionalmente realizan teletraballo ou o traballo móbil, T/TICM.
Comisión europea
8/2/2017 COMISIÓN EUROPEA
O 10 de xaneiro foi presentada a Comunicación da Comisión Europea que establece o plan de acción para modernizar a lexislación e a política en materia de seguridade e saúde no traballo dos próximos anos.
Alerta!. Prevención de caídas de traballadores por rotura de cubertas fráxiles”
7/2/2017 IAPRL
Nesta Alerta do Instituto Asturiano de Prevención de Riscos Laborais descríbense cinco mortes debidas a caídas dende cubertas por rotura destas. Proporciónanse as medidas preventivas que axuden a evitar accidentes similares no futuro. As ditas medidas preventivas deberían ser seguidas polas empresas implicadas no traballo e polos traballadores que o executan.
Fallo  xudicial
6/2/2017 SENTENZA
O lesionado responsabilizou ao seu capataz, á titular da súa empresa (Carpintería Facinas) e a un empregado de Polanco do incidente que sufriu, aínda que o xuíz exculpounos a todos ao considerar que o sinistro se produciu porque o operario obviou as medidas de seguridade inherentes aos seus labores.
TME
27/1/2017 Eurogip
Os TME representan unha proporción moi elevada do número total de enfermidades profesionais recoñecidas en Francia (88%), Estado español (75%), Bélxica e Italia (69% en ambos os). A proporción é inferior ao 20% en Alemaña, Austria, Dinamarca, Finlandia e Suíza. No traballo realizado por Eurogip obsérvanse diferenzas importantes no número de TME reclamados por traballadores/as como enfermidades profesionais: así en Francia, Bélxica e Dinamarca teñen se reclaman respectivamente 463, 263 e 257 casos por cada 100.000 traballadores/as asegurados, en Italia 150 e en Alemaña, Finlandia, Suecia e Suíza só se notifican entre 23 e 13 casos.
Sentenza
24/1/2017 Sentenza
O Xulgado do Penal número tres de Córdoba absolveu a un construtor e a un arquitecto acusados pola Fiscalía de ser os responsables dun delito de lesións por imprudencia. Os acusados enfrontábanse a unha pena de dous anos e dous meses de cárcere xunto co pago dunha importante multa, por non garantir as medidas preventivas necesarias para evitar un accidente laboral ocorrido nunha obra promovida polo Concello de Alcaracejos no ano 2009, na que un albanel que traballaba no tellado do silo do municipio precipitouse ao baleiro dende unha altura de seis metros.
Tóxico
17/1/2017 Psicosocial
Os xefes/as ou responsables organizativos prepotentes, con pouca empatía ou déspotas son un importante e perigoso lastre para empresas e organizacións. Así é, normalmente cando un traballador/a decide irse e abandonar unha empresa ou organización, o que realmente está a facer é fuxir dun xefe/a ou responsable que resulta absolutamente tóxico para o seu traballo e para a súa propia vida. Cuestión esta que cobra máis importancia incluso se temos en conta que en moitos casos estes tipo de “xefes/as” escorrentan especialmente a aqueles traballadores/as talentosos, con capadidade e criterio propio.
Sentenza
13/1/2017 Sentenza
O Xulgado do Penal Número 1 de Avilés absolveu ao director de seguridade, ao coordinador de seguridade e ao xefe de quenda dun delito contra os dereitos dos traballadores polas lesións graves sufridas nunha man por un operario en xullo de 2012. A sentenza é firme, tendo en conta que non foi recorrida pola Fiscalía, que solicitaba unha pena de dous anos e medio de prisión para cada un dos procesados.
Sentenza
12/1/2017 Tribunal de Xustiza da UE
O caso que da lugar a este fallo é o dun traballador que foi despedido estando de baixa médica por un accidente laboral, por "non alcanzar as expectativas estabelecidas pola empresa nin o rendemento que a empresa considera adecuado ou idóneo para o desempeño das súas tarefas". O traballador, axudante de cociña, resbalou na cociña e se dislocou o codo esquerdo en outubro de 2014, sendo despedido en novembro de 2014. Segundo o fallo do Tribunal de Xustiza da UE, a rescisión do contrato dun empregado en situación de incapacidade temporal de forma "duradeira" pode ser considerada discriminatoria e, polo tanto, a rescisión do contrato pode ser anulada nos tribunais.
Health and Safety Executive
9/1/2017 Hixiene
En cumprimento das novas normas sancionadoras vixentes en Reino Unido, nas que se ten en consideración a capacidade económica da empresa á hora de fixar as sancións, continúan a aparecer casos de multas millonarias. Neste caso a sanción recae nunha compañía química que sufriu dous accidentes que remataron producindo unha nube tóxica; no primeiro accidente acaecido en marzo de 2010 faleceu un traballador e outro sufriu graves lesións.
Disruptores endocrinos
3/1/2017 HIXIENE
A European Chemicals Agency, Axencia Europea dos Produtos Químicos (ECHA) e a European Food Safety Authority, Autoridade Europea de Seguridade Alimentaria (EFSA) están a desenvolver unha guía científica para identificar os disruptores endocrinos que se espere que estea finalizada dentro deste novo ano 2017.
Sentenza
21/12/2016 Sentenza
O Tribunal Supremo estima o recurso de casación presentado contra sentenza do Tribunal Superior de Xustiza de Castela e León polos feitos ocorridos en 2011 na localidade de Villalmanzo (Burgos) e que condenaba a unha empresa eléctrica e á compañía aseguradora a abonar unha indemnización a un traballador que sufriu un accidente laboral; na sentenza do Tribunal Supremo se indica que correspondía a este empregado tomar as medidas de seguridade axeitadas, que foran facilitadas pola compañía, para realizar o desmonte dun tendido eléctrico.
Con la financiación de/ Co financiamento de:
DI-0015/2009, AD-0002/2011, DI-0001/2011, DI-0001/2012, DI-0001/2013, DI-0001/2014, DI-0001/2015. Os contidos publicados son responsabilidade exclusiva do Gabinete Técnico Confederal de Saúde Laboral da Confederación Intersindical Galega e non reflicte necesariamente a opinión da Fundación para a prevención de riscos laborais