Repertorio de recomendacións prácticas sobre seguridade e saúde na utilización de maquinaria16-03-2012 - OITEste repertorio de recomendacións prácticas pretende proporcionar orientación sobre seguridade e saúde na utilización da maquinaria no lugar de traballo. Entre o 29 de novembro e o 7 de decembro de 2011, celebrouse en Xenebra unha reunión de expertos que tratou sobre seguridade na utilización da maquinaria; de ahí xurdiu un repertorio de recomendacións prácticas sobre seguridade e saúde na utilización da maquinaria. |
---|
A seguridade dos traballadores debe abordarse en todas as etapas da vida útil da maquinaria, desde o deseño até a súa retirada do servizo. No presente repertorio inclúense recomendacións e requisitos relativos ás obrigacións, responsabilidades e dereitos das autoridades competentes, os deseñadores, os fabricantes, os provedores, os empleadores e os traballadores. Así mesmo, establécense requisitos técnicos e información sobre a protección dos traballadores contra os perigos, as avaliacións dos riscos e as características dos resguardos e dispositivos protectores, así como os requisitos de seguridade para diferentes tipos de maquinaria.
O obxectivo deste repertorio é protexer aos traballadores dos perigos da maquinaria e previr accidentes e incidentes derivados do seu uso no traballo, e con tal fin proporciónanse directrices para o seguinte: asegurarse de que toda a maquinaria para uso no traballo estea deseñada e fabricada de acordo cos requisitos de seguridade; asegurarse de que os empleadores dispoñan dun medio para obter dos seus provedores a información sobre seguridade da maquinaria que lles permita aplicar medidas eficaces de protección dos traballadores; e asegurarse de que se aplican as medidas de seguridade apropiadas no lugar de traballo co fin de reducir ao mínimo os riscos que pode entrañar a utilización da maquinaria.
O presente repertorio é aplicable a calquera actividade laboral na que se faga uso de maquinaria. Así mesmo, é aplicable a todas as etapas do ciclo de vida útil da maquinaria empregada en lugares de traballo, xa sexa de segunda man, reconstruída ou reasignada.
Fonte: OIT