A seguridade e a saúde como materia de ensino en educación secundaria obrigatoria. Guía para o profesorado (actualización)31-05-2021 - INSSTEnsinar seguridade e saúde laboral dende idades temperás é unha decisión positiva. Trátase dun momento crucial no desenvolvemento formativo e educacional dos nosos nenos e nenas, no que se establecen as bases do adecuado axuste posterior, como futuros traballadores/as do mañá ante situacións de risco e comportamentos preventivos adecuados. |
---|
Por iso, Educación Secundaria é un espazo que posibilita transferir os coñecementos aprendidos en seguridade e saúde ás situacións reais do ensino e á aprendizaxe.
Débese apostar por unha Educación Secundaria que posibilite a oportunidade para construír unha cultura de prevención a partir da reflexión e a análise da teoría e a práctica educativa/profesional. Así pois, é necesario que o profesorado de Educación Secundaria dispoña de ferramentas suficientes para potenciar tanto o adecuado desenvolvemento do alumnado como para consolidar a prevención de posibles problemas que poidan xurdir, ben sexa no contorna da aula, ben nas diferentes áreas que interveñen na aprendizaxe do mesmo.
Este manual ofrece un espazo para a reflexión e a análise sobre a posta en práctica de actividades nas aulas. O eixo central desta obra é o estudo da seguridade e saúde laboral na aula de Secundaria de forma interdisciplinar pero tamén de maneira específica, a partir dunha intervención didáctico-pedagóxica, nas diversas situacións que poidan exporse no desenvolvemento socioeducativo do noso alumnado.
Por tanto, os capítulos deste libro inícianse cunha exposición xeral da situación na que nos atopamos a nivel educativo, social e laboral en materia de seguridade e saúde e como podemos intervir didáctica e pedagóxicamente para promover e impulsar a denominada “cultura de prevención”. Tendo como referente estes elementos crave, móstrase unha programación didáctica para que sexa utilizada na aula de Secundaria dando importancia á formación conceptual, os coñecementos prácticos, as destrezas, as habilidades, as actitudes e os comportamentos preventivos, coa finalidade de que cada neno ou nena teña a capacidade autónoma de tomar decisións e executar condutas correctas ante un posible risco ou situación de emerxencia, tanto a nivel persoal como nun futuro profesional.
Ligazón á publicación: "A seguridade e a saúde como materia de ensino en educación secundaria obrigatoria. Guía para o profesorado"