Co financiamento de:
/ Portada / Formación

Curso gratuíto de teleformación: RISCOS PSICOSOCIAIS DENDE UNHA PERSPECTIVA DE XÉNERO

22-10-2020 - TELEFORMACIÓN

O Gabinete Técnico Confederal de Saúde Laboral (CIG) abre a matrícula para o curso gratuíto de teleformación: Riscos psicosociais dende unha perspectiva de xénero, que dará comezo o vindeiro 3 de novembro de 2020. DATA LÍMITE DE INSCRICIÓN: VENRES 30 DE OUTUBRO ÁS 14:00 HORAS.

O sexo non é un indicador de destreza ou competencia laboral, pero a socialización das persoas en función do seu sexo si afecta de maneira importante á elección e ao desenvolvemento profesional, sendo diferentes para homes e mulleres; ligados a esta socialización, prodúcense numerosos estereotipos de xénero que inflúen, en gran medida, na predilección e as aspiracións profesionais das persoas dende a infancia.

Sen dúbida a inclusión da perspectiva de xénero na xestión das organizacións está relacionada coa saúde laboral, xa que as persoas traballadoras deben desenvolver a súa actividade nunha contorna segura e saudable onde exista unha adecuada prevención de riscos laborais, entre os que se inclúen os riscos psicosociais. Para a devandita prevención é necesario adoptar a perspectiva de xénero xa que os estereotipos de xénero poden afectar á dinámica e produtividade das empresas, así como á saúde e benestar das persoas traballadoras.

A expresión perspectiva de xénero fai referencia a unha forma de entender a relación entre as persoas en función da súa identidade de xénero. Dende esta perspectiva, estúdanse as  implicacións da desigualdade entre os xéneros en todas as clases sociais e establécense os cambios que deben levar a cabo para lograr a igualdade e o benestar xeral da poboación.

No ano 1986 a OIT publicou o informe titulado Factores psicosociais no traballo: recoñecemento e control, como un fito no recoñecemento da importancia destes riscos. Neste informe estes defínense como as “interaccións entre o traballo, o seu medio ambiente, a satisfacción no traballo e as condicións de organización, por unha banda, e pola outra, as capacidades do traballador, as súas necesidades, a súa cultura e a súa situación persoal fora do traballo, todo o cal, a través de percepcións e experiencias, pode influír na saúde, no rendemento e na satisfacción no traballo” (OIT, 1986).


Podes visualizar e imprimir o cartel con todos os datos no PDF adxunto


CURSO GRATUÍTO DE TELEFORMACIÓN

Riscos psicosociais dende unha perspectiva de xénero

DATA LÍMITE DE INSCRICIÓN: VENRES 30 DE OUTUBRO ÁS 14:00 HORAS.
 

Carga lectiva estimada: 4 horas

Data inicio: 3 de novembro

Data de remate: 6 de novembro

Dereito a certificación


MATRICÚLATE EN:

gabinete@cigsaudelaboral.org ou

Chamando ao teléfono 981359449

(de 10 a 14 horas)

Deberás proporcionarnos:

Nome e apelidos;

Documento de identidade;

Correo electrónico;

Número de teléfono

Localidade de residencia e

Código postal.

Cando esteas matriculado, deberás facilitar dende a plataforma de teleformación a través da cal farás o curso, unha fotografía do teu carné de identidade.

 

 

PROGRAMA

TEMA 1

Marco teórico e legal da prevención de riscos laborais dende a perspectiva de xénero.

TEMA 2

Os riscos psicosociais: contexto da saúde laboral e riscos específicos das mulleres.

TEMA 3

Avaliación da perspectiva de xénero e boas prácticas organizacionais


 

Documentos

CURSO TELEFORMACIÓN AVALIACIÓN DE RISCOS PSICOSOCIAIS DENDE UNHA PERSPECTIVA DE XÉNERO.pdf
Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS