Co financiamento de:
/ Portada / Delegados

O Tribunal Superior de Xustiza do País Vasco considera que unha recaída é accidente laboral

21-09-2015 - SENTENZA

O Tribunal Superior de Xustiza do País Vasco (TSJPV) recoñeceu como accidente de traballo o período de baixa que o traballador dunha empresa subcontratada por Cegasa padeceu durante case dous anos. A mutua terase que facer cargo da súa prestación.

O traballador desempeñaba a súa tarefa na empresa Indesa, subcontratada por Cegasa, en Gasteiz, manipulando caixas cargadas de pilas, cos conseguintes sobreesforzos e posturas forzadas.

O empregado sufriu un primeiro período de baixa que foi recoñecido como accidente de traballo por Mutualia entre o 8 e o 26 de novembro de 2013, á que acudiu tras notar unha dor intensa na man, que foi diagnosticada como tenosinovite de man e boneca.

O 28 de xaneiro de 2014 o traballador, que non estaba recuperado, empezou un novo período de baixa esta vez en Osakidetza. A mutua non recoñeceu esa nova baixa como accidente de traballo alegando que non existía feito traumático en si. O Instituto Nacional da Seguridade Social tamén considerou que este novo período de baixa, era continxencia común tras as dúas reclamacións que presentou o traballador.

O TSJPV establece que é accidente de traballo por recaída ao concorrer os requisitos de non transcorrer seis meses dende o final do anterior proceso de baixa e tratarse de igual ou similar patoloxía. Por todo iso, Mutualia terá que facerse cargo do pago da prestación de baixa do traballador.

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS