Financiado por:
/ Portada / Delegados

As patoloxías reumáticas causan o 50% das baixas permanentes no Estado español

04-07-2019 - SAÚDE LABORAL

Case un de cada catro adultos maiores de 20 anos sofre unha enfermidade reumática no Estado, o que supón ao redor de 11 millóns de persoas, segundo o Estudo Episer 2016 elaborado pola Sociedade Española de Reumatoloxía. Só de artrite reumatoide, unha das máis comúns, hai case 300.000 pacientes e cada ano diagnostícanse uns 20.000 casos novos.

Para falar dos últimos avances no tratamento destas doenzas, 14.000 especialistas de Europa e outras partes do mundo déronse cita en Ifema con ocasión do Congreso Anual Europeo de Reumatoloxía que organiza a liga Europea contra o Reumatismo (Eular). O evento contou coa colaboración da Sociedade Europea de Reumatoloxía Pediátrica (PReS).

O presidente de Eular, destaca que a participación dos pediatras no congreso permitirá “asimilar o coñecemento” sobre a manifestación destas enfermidades durante todas as “décadas da vida”. “Eular é o noso socio natural e por unha boa razón: os nosos pacientes tamén necesitan o mellor coidado posible unha vez cumpridos os 18 anos”, comenta o presidente de PReS.

A artrite reumatoide é unha inflamación crónica que afecta ás articulacións de forma simétrica (en ambos os lados do corpo, por exemplo, as dúas bonecas), pero que tamén pode danar órganos internos. Outras tipoloxías son a artrose lumbar, gota, artrite psoriásica, fibromialxia e o lupus eritematoso sistémico.

O Estado, as patoloxías reumáticas son responsables do 24% das incapacidades temporais e do 50% das permanentes. En 2010 déronse máis de 800.000 baixas temporais por esta causa, cun custo para a Seguridade Social de máis de 1.000 millóns de euros.

A pesar do seu impacto, “só o 40% dos hospitais públicos ten un servizo especializado en reumatoloxía”, advirte a directora de OpenReuma, asociación nacional de profesionais con interese neste campo. Con todo, destaca que a Universidade de Alacante ofrece xa o primeiro curso oficial de posgrao en reumatoloxía e que, en marzo de 2020, impartirase o curso Eular para profesionais sanitarios en Madrid.

Fonte: CincoDías

 

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS