A Declaración sobre as Empresas Multinacionais, EMN, da OIT é un instrumento da OIT que brinda orientación dirixida directamente ás empresas sobre política social e prácticas inclusivas, responsables e sostiibles no lugar de traballo pide aos gobernos que garantan que as empresas, tanto multinacionais como nacionais, ofrezan aos seus traballadores/as normas axeitadas en materia de seguridade e hixiene. As empresas multinacionais deberían manter un nivel máximo de seguridade e hixiene, de conformidade coas esixencias nacionais, tendo en conta a experiencia adquirida a este respecto no conxunto da empresa, incluído calquera coñecemento sobre riscos especiais. Deberían poñer en coñecemento dos interesados os riscos especiais e as medidas de protección correspondentes que garden relación con novos produtos e procesos. Por outra banda, deberían desempeñar un papel de catalizador no exame das causas dos riscos á seguridade e a hixiene no traballo e na aplicación das melloras resultantes no conxunto da empresa que se trate.