Napo é o protagonista dunha serie de debuxos animados. Simboliza a un empregado que traballa en calquera industria ou sector. Napo non ten un traballo concreto ou unha contorna laboral específico, pero a súa personalidade e o seu aspecto físico mantéñense constantes en todas as películas. Napo é unha persoa normal, nin boa nin mala, nin nova nin vella. Neste sentido, a súa cultura é neutra. É un traballador que pode sufrir situacións sobre as que non ten control, pero que tamén pode detectar perigos ou riscos, ou facer boas suxestións para mellorar a seguridade e a organización do traballo.

O algodón é un material moi desexado presente case no 40% da nosa vestimenta. Aos consumidores atráelles porque está asociado á idea dun produto natural. Unha parte do algodón que se consome en Francia procede das plantacións africanas. Con todo, o seu cultivo esconde segredos inconfesables. Malí, Costa do Marfil e Burkina Faso son o tres países de maior produción de algodón. O que case ninguén sabe é que existe un comercio de escravos do algodón, unha realidade vivida cada día por moitos nenos de África Occidental.

Case todas as marcas do téxtil fabrican as súas roupas en China, Bangladesh ou India, os salarios son baixos e a lexislación para protexer o medio ambiente é permisiva. Pero non só nos países con salarios baixos os traballadores están a ser envelenados; traballadores do téxtil e consumidores en Europa tamén entran en contacto con perigosas sustancias químicas e caen enfermos. O axente antimofo DMF que é usado con frecuencia en zapatos pode queimar a pel. Tinguiduras sintéticas canceríxenas atópanse a miúdo na roupa interior negra, os chamados azoderivados; tamén o vermello pode estar contaminado por esta sustancia.

A fibra de amianto podémola atopar nos tellados e interiores dos nosos edificios. Mentres se gastan miles de millóns de euros na eliminación do amianto vello, está a permitirse a importación e comercialización do novo, o crisotilo canadense ou amianto branco, que se oculta en termos, xuntas e outros artigos de uso diario. A saúde dos consumidores atópase ameazada. A trama internacional do amianto é responsable de estar a levar este material de novo ao mercado.